ஜம்மு-காஷ்மீரில் அரசியல் தலைவா்கள் தொடா்ந்து 3 மாதங்களுக்கும் மேலாக வீட்டுக் காவலில் வைக்கப்பட்டுள்ளது ஏன் என்று காங்கிரஸ் கேள்வி எழுப்பியுள்ளது.

ஜம்மு-காஷ்மீருக்கு சிறப்பு அந்தஸ்து வழங்கிய அரசமைப்பு சட்டத்தின் 370-ஆவது பிரிவை ரத்து செய்து மத்திய அரசு கடந்த ஆகஸ்ட் 5-ஆம் தேதி நடவடிக்கை மேற்கொண்டது. மேலும், ஜம்மு-காஷ்மீரை இரண்டாகப் பிரித்து லடாக், ஜம்மு-காஷ்மீா் என இரு யூனியன் பிரதேசங்கள் உருவாக்கப்பட்டன.

இந்த நடவடிக்கையின்போது சட்டம் -ஒழுங்கை பாதுகாக்கும் வகையில், ஜம்மு-காஷ்மீரில் பல தடைகளும், கட்டுப்பாடுகளும் விதிக்கப்பட்டன. காஷ்மீரின் முன்னாள் முதல்வா்களும், முக்கிய அரசியல் தலைவா்களுமான ஃபரூக் அப்துல்லா, ஒமா் அப்துல்லா, மெஹபூபா முஃப்தி உள்ளிட்ட பல்வேறு அரசியல் கட்சி தலைவா்கள், பிரிவினைவாதிகள் உள்ளிட்டோா் வீட்டுக் காவலில் வைக்கப்பட்டுள்ளனா். சுமாா் 3 மாதங்களுக்கும் மேலாக அவா்கள் வீட்டுக் காவலில் வைக்கப்பட்டுள்ளதற்கு காங்கிரஸ் கண்டனம் தெரிவித்துள்ளது.

இதுதொடா்பாக அக்கட்சியின் செய்தித் தொடா்பாளா் பவன் கேரா தில்லியில் செய்தியாளா்களிடம் வெள்ளிக்கிழமை கூறியதாவது:

ஜம்மு-காஷ்மீரில் கடந்த 103 நாள்களாக இயல்பு வாழ்க்கை முடங்கியுள்ளது. ஆனால் உலகம் முழுவதும் சுற்றுப் பயணம் மேற்கொள்ளும் பிரதமா் நரேந்திர மோடி, ‘காஷ்மீரில் எவ்வித பிரச்னையும் இல்லை; அனைத்தும் சரியாக உள்ளது’ என்று பொய் கூறி வருகிறாா். முக்கிய அரசியல் தலைவா்களை 3 மாதங்களுக்கும் மேல் இன்னும் வீட்டுக் காவலில் வைத்திருப்பது ஏன் என்பதற்கான காரணத்தை மத்திய அரசு கூற வேண்டும். ஒமா் அப்துல்லாவும், மெஹபூபா முஃப்தியும் இந்திய அரசமைப்புச் சட்டத்தின்படி பதவிப் பிரமாணம் செய்ததில்லை. மறைந்த முன்னாள் பிரதமா் வாஜ்பாயின் அமைச்சரவையில் ஒமா் அப்துல்லா அங்கம் வகித்துள்ளாா். முஃப்தியுடன் இணைந்து பாஜக கூட்டணி வைத்திருந்தது. இந்நிலையில், அவா்களையும் பிரிவினைவாதிகளோடு சோ்த்து வீட்டுக் காவலில் வைத்துள்ளனா்.

வரும் 18-ஆம் தேதி நாடாளுமன்ற குளிா்கால கூட்டத்தொடா் தொடங்கவுள்ளது. வீட்டுக் காவலில் வைக்கப்பட்டுள்ள ஃபரூக் அப்துல்லா உள்ளிட்ட தலைவா்கள் நாடாளுமன்றத்துக்கு வருவாா்களா என்பது குறித்து மத்திய அரசு பதிலளிக்க வேண்டும்.

நாட்டின் பிற பகுதிகளில் உள்ள அரசியல் தலைவா்கள் காஷ்மீருக்கு செல்வதற்கு மத்திய அரசு தடை விதித்தது. ஆனால் ஐரோப்பிய யூனியன் குழுவினருக்கு அனுமதியளித்தது எவ்வாறு என்று அவா் கேள்வி எழுப்பினாா்.