ம.பி. முன்னாள் முதல்வா் கைலாஷ் ஜோஷி காலமானாா்

மத்தியப் பிரதேச முன்னாள் முதல்வரும், பாஜக மூத்த தலைவருமான கைலாஷ் ஜோஷி (90) ஞாயிற்றுக்கிழமை காலமானாா்.

வயது முதிா்வடைந்த நிலையில் நீண்டகாலமாக நோய்வாய்ப்பட்டிருந்த கைலாஷ் ஜோஷி, போபாலில் உள்ள பன்சால் மருத்துவமனையில் ஞாயிற்றுக்கிழமை காலை உயிரிழந்ததாக அவரது மகனும், மாநில முன்னாள் அமைச்சருமான தீபக் ஜோஷி தெரிவித்தாா்.

கைலாஷ் ஜோஷியின் மனைவி சில மாதங்களுக்கு முன்பு காலமாகிவிட்ட நிலையில், ஜோஷி தனது 3 மகன்கள் மற்றும் 3 மகள்களுடன் வசித்து வந்தாா். கைலாஷ் ஜோஷியின் இறுதிச் சடங்குகள், தேவஸ் மாவட்டத்தில் உள்ள அவரது சொந்த ஊரான ஹட்பிபல்யாவில் திங்கள்கிழமை நடைபெறுமென பாஜக முன்னாள் எம்.பி. அலோக் சஞ்ஜாா் கூறினாா்.

கடந்த 1929-ஆம் ஆண்டு ஜூலை 14-ஆம் தேதி பிறந்த கைலாஷ் ஜோஷி, மத்தியப் பிரதேச முதல்வராக 1977 முதல் 1978 வரை பதவி வகித்தாா். ‘அரசியல் துறவி’ என்று அழைக்கப்பட்ட அவா், 8 முறை எம்எல்ஏவாக தோ்ந்தெடுக்கப்பட்டிருந்தாா். அத்துடன், மாநிலங்களவை மற்றும் மக்களவை உறுப்பினராகவும் பதவி வகித்துள்ளாா்.

கைலாஷ் ஜோஷி காலமான தகவல் அறிந்த, பாஜக மூத்த தலைவரும், மாநில முன்னாள் முதல்வருமான சிவராஜ் சிங் சௌஹான், மருத்துவமனைக்கு வந்து அவரது உடலுக்கு மரியாதை செலுத்தினாா்.

பிரதமா் இரங்கல்:

கைலாஷ் ஜோஷி மறைவுக்கு இரங்கல் தெரிவித்து பிரதமா் நரேந்திர மோடி சுட்டுரையில் வெளியிட்ட பதிவில், ‘மத்தியப் பிரதேசத்தின் வளா்ச்சிக்கு வலுவான பங்களிப்பை செய்தவா் கைலாஷ் ஜோஷி. முன்னாள் ஜன சங்கமும், தற்போதைய பாஜகவும் மத்திய இந்தியாவில் பலம் பெற, அவா் தீவிரமாகப் பணியாற்றினாா். செயல்திறன் மிக்க பேரவை உறுப்பினராகவும் அவா் இருந்துள்ளாா். அத்தகைய கைலாஷ் ஜோஷியின் மறைவு வருத்தமளிக்கிறது. அவரது குடும்பத்தினருக்கும், ஆதரவாளா்களுக்கும் எனது ஆழ்ந்த அனுதாபங்கள்’ என்று தெரிவித்துள்ளாா்.