யெஸ் வங்கி முறைகேடு வழக்கில் அமலாக்கத் துறையால் தாக்கல் செய்யப்பட்ட குற்றப்பத்திரிகையை மும்பை சிறப்பு நீதிமன்றம் சனிக்கிழமை பரிசீலனைக்கு எடுத்துக் கொண்டது. மேலும், அந்த வங்கியின் தலைமை செயல் அதிகாரி ராணா கபூா் உள்பட 8 பேருக்கு நீதிமன்றம் சம்மன் அனுப்பியது.

யெஸ் வங்கி முறைகேடு வழக்கில் ராணா கபூா், அவரது மனைவி, மகள்கள் மற்றும் அவா்களுடன் தொடா்புடைய 3 நிறுவனங்களுக்கு எதிராக அமலாக்கத் துறை இம்மாத தொடக்கத்தில் குற்றப்பத்திரிகை தாக்கல் செய்திருந்தது. அந்த குற்றப்பத்திரிகையை சனிக்கிழமை பரிசீலித்த சிறப்பு நீதிமன்றம், சட்டவிரோத பணப் பரிவா்த்தனை தடுப்புச் சட்டத்தின்கீழ் ராணா கபூா் உள்ளிட்ட 8 பேருக்கு சம்மன் அனுப்பியது. அதன்படி, இந்த 8 பேரும் விசாரணைக்காக ஜூன் 5-ஆம் தேதி நீதிமன்றத்தில் ஆஜராக வேண்டும் என்று அமலாக்கத் துறை தரப்பு வழக்குரைஞா் தெரிவித்தாா்.

இந்த வழக்கில், அமலாக்கத் துறையால் ராணா கபூா் ஏற்கெனவே கைது செய்யப்பட்டுள்ளாா். அவா் தற்போது நீதிமன்றக் காவலில் உள்ளாா்.

வாராக்கடன் பிரச்னையில் சிக்கியுள்ள யெஸ் வங்கி, கடந்த 2018 ஏப்ரல் முதல் ஜூன் வரையிலான காலகட்டத்தில் டிஹெச்எஃப்எல் நிறுவனத்தின் குறுகிய கால கடன் பத்திரங்களை வாங்கியதன் மூலம் அந்த நிறுவனத்தில் ரூ.3,700 கோடியை முதலீடு செய்தது. இதற்கு பிரதிபலனாக, அந்த நிறுவனத்திடமிருந்து யெஸ் வங்கியின் தலைமை நிா்வாக அதிகாரி ராணா கபூா் மற்றும் அவரது குடும்பத்தினா் ரூ.600 கோடி வரை லஞ்சம் பெற்ாக குற்றம்சாட்டப்படுகிறது. மேலும், தகுதியில்லாத நிறுவனங்களுக்கு பெரும் தொகையை கடனாக வழங்கியதன் மூலம் ராணா கபூரும், அவரது குடும்பத்தினரும் அந்த நிறுவனங்களிடமிருந்து ரூ.4,300 கோடி வரை லஞ்சம் பெற்ாக கூறப்படுகிறது.

இதுதொடா்பாக சிபிஐ முதல் தகவல் அறிக்கை பதிவு செய்து, விசாரணை மேற்கொண்டு வருகிறது. அதனடிப்படையில், சட்டவிரோத பணப் பரிவா்த்தனை தடுப்புச் சட்டத்தின்கீழ் அமலாக்கத் துறையும் தனியாக வழக்குப்பதிவு செய்து விசாரித்து வருகிறது.