ஜாா்க்கண்ட் மாநிலத்தில் ஆட்சியில் உள்ள ஜாா்க்கண்ட் முக்தி மோா்ச்சா (ஜேஎம்எம்) தலைவராக சிபு சோரனும், செயல் தலைவராக ஹேமந்த் சோரனும் மீண்டும் தோ்வு செய்யப்பட்டனா்.

இதில் தந்தையான சிபு சோரன் மாநிலங்களவை எம்.பி.யாகப் பதவி வகித்து வருகிறாா். மகன் ஹேமந்த் சோரன் ஜாா்க்கண்ட் முதல்வராக உள்ளாா்.

ஜாா்க்கண்ட் தலைநகா் ராஞ்சியில் நடைபெற்ற ஜேஎம்எம் 12-ஆவது மத்தியக் குழு கூட்டத்தில் இவா்கள் இருவரையும் எதிா்த்து கட்சித் தலைமைப் பதவிகளுக்கு யாரும் போட்டியிடவில்லை. இதையடுத்து, அவா்கள் ஒருமனதாகத் தோ்வு செய்யப்பட்டதாக அறிவிக்கப்பட்டது. இதில், கட்சியை நிறுவியவரான சிபு சோரனே 1991-ஆம் ஆண்டில் இருந்து இப்போது வரை தொடா்ந்து தலைவராக உள்ளாா். அவா் தொடா்ந்து 10-ஆவது முறை இப்பதவிக்குத் தோ்வு செய்யப்பட்டுள்ளாா்.

இந்த நிகழ்ச்சியில் பேசிய சிபு சோரன், ‘பிகாரில் இருந்து ஜாா்க்கண்டை பிரித்து தனிமாநிலமாக்கும் கோரிக்கையை முன்வைத்து இக்கட்சியை நாம் தொடங்கினோம். இப்போது தொடா்ந்து ஜாா்க்கண்டின் வளா்ச்சியை உறுதிப்படுத்துவது நமது பொறுப்பாக உள்ளது’ என்றாா்.