இந்திய மாணவா்களின் விசா (நுழைவு இசைவு) விண்ணப்பங்களை ஜூன் 14-ஆம் தேதி முதல் மீண்டும் பரிசீலிக்கவுள்ளதாக அமெரிக்க தூதரகம் தெரிவித்துள்ளது.

இதுதொடா்பாக தில்லியில் உள்ள அமெரிக்க தூதரகம் வியாழக்கிழமை வெளியிட்டுள்ள செய்திக்குறிப்பு: மாணவா் விசாவுக்கு அதிகபட்ச முன்னுரிமை அளிக்கப்படுகிறது. அதன்படி, ஜூலை, ஆகஸ்ட் மாதங்களுக்கான மாணவா் விசா விண்ணப்பங்கள் பரிசீலனையை ஜூன் 14-ஆம் தேதி நாடு முழுவதும் தொடங்கவுள்ளோம். மாணவா்கள் தங்களது நோ்காணலுக்கான நேரம் குறித்து  வலைதளத்தில் தெரிந்துகொள்ளலாம் எனத் தெரிவிக்கப்பட்டுள்ளது.