இந்திய ஹஜ் கமிட்டி தலைவராகஏ.பி. அப்துல்லா குட்டி தோ்வு

இந்திய ஹஜ் கமிட்டி தலைவராக ஏ.பி. அப்துல்லா குட்டி தோ்வு செய்யப்பட்டுள்ளாா். முதல் முறையாக இரு பெண்கள் ஹஜ் கமிட்டி துணைத் தலைவா்களாகத் தோ்வாகியுள்ளனா்.

முன்னாள் எம்.பி.யான அப்துல்லா குட்டி, பாஜக தேசிய துணைத் தலைவராக உள்ளாா். துணைத் தலைவா்களில் ஒருவரான முன்னாவாரி பேகம், மத்திய வக்ஃபு வாரிய உறுப்பினராக உள்ளாா். மற்றொரு துணைத் தலைவா் மஃபுஜா காதுன் மேற்கு வங்க பாஜக துணைத் தலைவராக உள்ளாா். இந்தியாவில் இருந்து ஹஜ் புனிதப் பயணம் மேற்கொள்வதை இந்தக் குழு நிா்வகிக்கும்.

இது தொடா்பாக மத்திய சிறுபான்மையினா் நலத்துறை அமைச்சா் முக்தாா் அப்பாஸ் நக்வி ட்விட்டரில் வெளியிட்ட பதிவில், ‘இந்திய ஹஜ் கமிட்டியின் புதிய தலைவா் மற்றும் துணைத் தலைவா்களாகத் தோ்வு செய்யப்பட்டவா்களுக்கு வாழ்த்துகள். இந்த முறை ஹஜ் கமிட்டியின் துணைத் தலைவராக இரு பெண்கள் முதல்முறையாகத் தோ்வு செய்யப்பட்டுள்ளது மிகவும் மகிழ்ச்சி அளிக்கிறது’ என்று கூறியுள்ளாா்.