தெருநாய்கள் கடித்து குதறியதில் 2 வயது குழந்தை பலியான பரிதாபமான சம்பவம் ஹைதராபாத், கோல்கொண்டாவில் நிகழ்ந்துள்ளது. 

கோல்கொண்டாவின் படா பஜார் பகுதியில் செவ்வாய்க்கிழமை இரவு இந்த சம்பவம் நடந்துள்ளது. வீட்டின் அருகே 2 வயது குழந்தை அனாஸ் அகமது விளையாடிக் கொண்டிருந்தான். அப்போது தெருநாய்கள் கூட்டத்தால் தாக்கப்பட்டு, அருகிலுள்ள ராணுவப் பகுதிக்கு இழுத்துச் சென்றது. 

குழந்தையின் அலறல் சத்தம் கேட்டு பெற்றோர் மற்றும் அக்கம் பக்கத்தினர் ஓடி வந்து நாய்களை விரட்டினர். குறுநடை போடும் குழந்தையின் முகம், தொண்டை மற்றும் பிற உடல் பாகங்களில் கடுமையான காயங்கள் ஏற்பட்டன.

பலத்த காயமடைந்த குழந்தை மருத்துவமனைக்கு அழைத்துச் செல்லப்பட்டது. அங்கு குழந்தை இறந்துவிட்டதாக மருத்துவர்கள் தெரிவித்தனர். குழந்தையை நாய்கள் தாக்கி இழுத்துச் சென்ற சிசிடிவி காட்சிகள் வெளியாகி பொதுமக்களிடையே அதிருப்தியை ஏற்படுத்தியுள்ளது.

இந்த சம்பவம் கோல்கொண்டா கோட்டைக்கு அருகில் உள்ள மக்களிடையே அதிர்ச்சி அலையை ஏற்படுத்தியுள்ளது. 

தெருநாய்களால் பெரும் அச்சுறுத்தலை ஏற்படுத்தினாலும் நகராட்சி அதிகாரிகள் நடவடிக்கை எடுக்கவில்லை எனப் பொதுமக்கள் குற்றம் சாட்டியுள்ளனர். இதற்கு முன்னர் இதேபோன்ற 2 சம்பவங்களில் 2 குழந்தைகள் காயமடைந்ததாகவும், ஆனால் இந்தமுறை நாய்கள் அச்சுறுத்தலால் ஒரு குழந்தையின் உயிரைப் பறித்ததாகவும் குடியிருப்பாளர்களில் ஒருவர் கூறினார்.