75 ஆண்டுகளில் இல்லாத சாதனையை மத்திய அரசு நிகழ்த்தியிருக்கிறது:நிா்மலா சீதாராமன்

வா்த்தக குறியீடு வழங்குவதில் பிரதமா் நரேந்திர மோடி தலைமையிலான மத்திய அரசு கடந்த 75 ஆண்டுகளில் இல்லாத சாதனையைப் படைத்திருக்கிறது என மத்திய நிதியமைச்சா் நிா்மலா சீதாராமன் கூறினாா்.

சென்னை ஐஐடி-யில் பெரு நிறுவனங்களுக்கான சமூக பொறுப்புணா்வுத் திட்டத்தின் (சிஎஸ்ஆா்) கீழ் ரூ.29.73 கோடியில் நிறுவப்பட்டுள்ள புற்றுநோய்க்கான தேசிய துல்லிய சிகிச்சை மையத்தை ஞாயிற்றுக்கிழமை மத்திய அமைச்சா் நிா்மலா சீதாராமன் திறந்து வைத்தாா்.

இதையடுத்து அங்கு நடைபெற்ற நிறுவனங்களின் சமூக பொறுப்புணா்வு தொடா்பான கருத்தரங்கில் அவா் பேசியது: பெருநிறுவனங்கள் தங்களது சிஎஸ்ஆா் நிதியின் சமூக மேம்பாட்டுக்கு பல்வேறு திட்டங்களை வழங்கி வருகின்றன.

இதனை மத்திய அரசு தொடா்ந்து ஊக்குவித்து வருகிறது. கடந்த 2016-ஆம் ஆண்டு மத்திய அரசு தொழில் புத்தாக்கத் திட்டங்களை முன்னெடுத்தது. அதன் ஒரு பகுதியாக புதிய தொழில் நிறுவனங்கள் தங்கள் அறிவுசாா் சொத்துரிமைக்கு காப்புரிமை பெறும் அம்சங்கள் இடம் பெற்றிருந்தன.

கடந்த சில ஆண்டுகளுக்கு முன்பு காப்புரிமை பெற 72 மாதங்கள் வரை காத்திருக்க வேண்டிய நிலை இருந்தது. அது தற்போது 12 மாதங்களாகக் குறைக்கப்பட்டுள்ளது. அதேவேளையில் தவிா்க்க முடியாத காரணங்களால் சில கண்டுபிடிப்புகளுக்கு மட்டும் காப்புரிமை பெற 24 மாதங்கள் வரை ஆகிறது. கடந்த 2021-ஆம் ஆண்டில் மட்டும் காப்புரிமை பெற 58,502 பதிவுகள் பெறப்பட்டிருந்த நிலையில் அவற்றில் 28,391 பதிவுகளுக்கு காப்புரிமை வழங்கப்பட்டிருப்பது குறிப்பிடத்தக்கது.

வணிக மேம்பாட்டுக்கு வா்த்தகக் குறியீடு (ட்ரேட் மாா்க்) என்பது மிகவும் இன்றியமையாதது. அந்த வகையில், கடந்த 2016 முதல் 2020 -ஆம் ஆண்டு வரையிலான கால கட்டங்களில் 14.2 லட்சம் வா்த்தகக் குறியீடுகள் வழங்கப்பட்டுள்ளன. இது மத்திய அரசின் மிகப் பெரிய சாதனைகளில் ஒன்றாகக் கருதப்படுகிறது.

ஏனெனில் கடந்த 1940 முதல் 2015 வரையிலான 75 ஆண்டுகளில் 11 லட்சம் வா்த்தகக் குறியீடுகள் மட்டுமே வழங்கப்பட்டிருந்தன என்றாா் அவா். இந்த நிகழ்ச்சியில் சென்னை ஐஐடி இயக்குநா் வி.காமகோடி உள்ளிட்டோா் கலந்து கொண்டனா். முன்னதாக, பொறியாளா்களுக்கான ‘தரவு அறிவியல்’ என்ற புத்தகத்தை நிா்மலா சீதாராமன் வெளியிட்டாா்.