நாட்டில் புதிதாக 2,685 பேருக்கு கரோனா

இந்தியாவில் கடந்த 24 மணி நேரத்தில் புதிதாக 2,685 பேருக்கு கரோனா நோய்த் தொற்று இருப்பது உறுதி செய்யப்பட்டுள்ளது.

நாட்டின் கரோனா பாதிப்பு நிலவரம் பற்றிய சமீபத்திய தரவுகளை மத்திய சுகாதாரத் துறை வெளியிட்டுள்ளது. புதிதாக 2,685 பேருக்கு தொற்று பாதிப்பு இருப்பது உறுதி செய்யப்பட்டுள்ளது. தொற்று உறுதி செய்யப்படும் விகிதம் 0.60 சதவிகிதம்.

மேலும் 2,158 பேர் நோய்த் தொற்றிலிருந்து குணமடைந்து வீடு திரும்பியுள்ளனர். 33 பேர் நோய்த் தொற்றுக்கு பலியாகியுள்ளனர்.

இதையும் படிக்க | மேட்டூர் அணையின் நீர்மட்டம் சரியத் தொடங்கியது!

இதுவரை மொத்தம் 4,26,09,335 பேர் குணமடைந்துள்ளனர். மொத்த பலி எண்ணிக்கை 5,24,572 ஆக உயர்ந்துள்ளது.

இன்றைய நிலவரப்படி 16,308 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.

தடுப்பூசி:

கடந்த 24 மணி நேரத்தில் 14,39,466 பேருக்குத் தடுப்பூசி செலுத்தப்பட்டுள்ளது. இதுவரை மொத்தம் 1,93,13,41,918 தடுப்பூசிகள் செலுத்தப்பட்டுள்ளன.