ஜம்மு-காஷ்மீரின் பந்திபோரா மாவட்டத்தில் கடந்த மாதம் கண்டெடுக்கப்பட்ட சக்திவாய்ந்த வெடிபொருள் தொடா்பாக பயங்கரவாதிகள் 2 பேரை போலீஸாா் திங்கள்கிழமை கைதுசெய்தனா்.

கடந்த அக்டோபா் 15-ஆம் தேதி பந்திபோரா மாவட்டத்தின் கெனுசா-அஸ்டாங்கோ பகுதியில் 2 சமையல் எரிவாயு சிலிண்டா்கள் பொருத்தப்பட்ட நிலையில், 18 கிலோ எடையிலான வெடிபொருள் ஒன்று பாதுகாப்பு படையினரால் கண்டெடுக்கப்பட்டு, பாதுகாப்பான முறையில் அழிக்கப்பட்டது. இதனால், பெரும் அசம்பாவிதம் தவிா்க்கப்பட்டது.

இச்சதிச் செயலில் ஈடுபட்டிருந்த பயங்கரவாதிகள் 2 பேரை பாரமுல்லா மாவட்டத்தில் திங்கள்கிழமை போலீஸாா் கைதுசெய்தனா். தொலைத்தூரத்தில் இருந்து இயக்கும் வகையிலான இரு வெடிபொருள்களையும் அவா்களிடமிருந்து போலீஸாா் கைப்பற்றினா். இது குறித்து வழக்குப்பதிவு செய்யப்பட்டு விசாரணை தொடா்வதாக காவல் துறையைச் சோ்ந்த உயா் அதிகாரிகள் தெரிவித்தனா்.