பாஜக மூத்த தலைவர் எல்.கே.அத்வானியின் பிறந்த நாளையொட்டி பிரதமர் நரேந்திர மோடி அவரை நேரில் சந்தித்து வாழ்த்து தெரிவித்தார்.

அத்வானியின் 96வது பிறந்த நாள் இன்று கொண்டாடப்படுகிறது. அவருக்கு பல்வேறு அரசியல் தலைவர்கள் வாழ்த்து தெரிவித்து வருகின்றனர்.

இதையும் படிக்க | பணமதிப்பிழப்பு செய்யப்பட்டு 6 ஆண்டுகள்: உண்மை எப்போதுதான் தெரியவரும்?

இந்நிலையில், தில்லியில் உள்ள அத்வானி வீட்டிற்கு இன்று காலை நேரில் சென்ற பிரதமர் மோடி அவருக்கு வாழ்த்து தெரிவித்தார். பிரதமருடன் மத்திய பாதுகாப்புத் துறை அமைச்சர் ராஜ்நாத் சிங்கும் சென்று வாழ்த்து தெரிவித்துள்ளார்.

அதேபோல், மத்திய அமைச்சர்கள் அமித் ஷா, ஜெய்சங்கர், ஹர்தீப் சிங் புரி உள்ளிட்டோரும் டிவிட்டரில் அத்வானிக்கு வாழ்த்து தெரிவித்துள்ளனர்.