உத்தர பிரதேசத்தின் கோலா கோரக்நாத் தொகுதி பாஜக எம்எல்ஏ அரவிந்த் கிரி (65) மாரடைப்பால் செவ்வாய்க்கிழமை உயிரிழந்தாா்.

தலைநகா் லக்னௌவுக்கு காரில் பயணம் செய்து கொண்டிருந்தபோது, அவருக்கு நெஞ்சுவலி ஏற்பட்டது. இதையடுத்து, அவா் உடனடியாக மருத்துவமனைக்கு கொண்டு செல்லப்பட்டாா். ஆனால், அவா் மாரடைப்பால் ஏற்கெனவே இறந்துவிட்டதை மருத்துவா்கள் உறுதி செய்தனா். அவருக்கு மனைவி, 2 மகன்கள், 2 மகள்கள் உள்ளனா்.

உடற்கல்வி ஆசிரியராக பணியைத் தொடங்கிய அரவிந்த் கிரி, 1995-ஆம் ஆண்டு முதல் தீவிர அரசியலில் ஈடுபட்டாா். நகராட்சி தலைவராக இருந்த அவா், 1996-ஆம் ஆண்டு சமாஜவாதி சாா்பில் எம்எல்ஏ ஆனாா். அக்கட்சி சாா்பில் தொடா்ந்து மூன்று முறை எம்எல்ஏவாக இருந்த அவா், 2007-ஆம் ஆண்டு பாஜகவில் இணைந்தாா். கோலா கோரக்நாத் பேரவைத் தொகுதியில் பாஜக சாா்பில் தொடா்ந்து இருமுறை வெற்றி பெற்றாா்.

அவரது மறைவுக்கு உத்தர பிரதேச முதல்வா் யோகி ஆதித்யநாத், மாநில அமைச்சா்கள், பாஜக தலைவா்கள் பலா் இரங்கல் தெரிவித்துள்ளனா்.