கர்நாடக மாநில காங்கிரஸ் தலைவர் டி.கே.சிவகுமார் சென்ற ஹெலிகாப்டர் மீது கழுகு மோதி விபத்து ஏற்பட்டது. 

கர்நாடகத்தில் வருகிற மே 10 ஆம் தேதி சட்டப்பேரவைத் தேர்தல் நடைபெற உள்ளது. இதையொட்டி கட்சிகள் அங்கு தீவிர தேர்தல் பிரசாரத்தில் ஈடுபட்டுள்ளன. 

கர்நாடக மாநில காங்கிரஸ் தலைவர் டி.கே.சிவகுமார், கோலார் மாவட்டத்தில் முலுபாகிலு தொகுதிக்கு பிரசாரத்திற்காக ஹெலிகாப்டரில் சென்றபோது திடீரென கழுகு மோதி ஹெலிகாப்டரின் கண்ணாடி உடைந்தது. 

இதையடுத்து பாதுகாப்பு கருதி அவசரமாக ஹெலிகாப்டர் தரையிறக்கப்பட்டது. 

இதில் அதிர்ஷ்டவசமாக யாருக்கும் எந்த பாதிப்பும் இல்லை எனத் தகவல் தெரிவிக்கப்பட்டுள்ளது.