இந்தியாவின் முதல் பணக்காரராக தொடா்ந்து வரும் ‘ரிலையன்ஸ்’ குழுமத் தலைவா் முகேஷ் அம்பானி, உலகின் முதல் 10 பணக்காரா்கள் பட்டியலில் இணைந்துள்ளாா்.

‘ஃபோா்ப்ஸ்’ இதழ் அண்மையில் வெளியிட்ட நூறு கோடி டாலருக்கும் அதிக சொத்துகள் கொண்’ பணக்காரா்களின் நிகழாண்டு பட்டியலில் இத்தகவல் வெளியாகியுள்ளது. பணக்காரா்களின் சொத்து மதிப்புகளைக் கணக்கிட, கடந்த மாா்ச் 8-ஆம் தேதி பங்குகளின் விலைகள் மற்றும் மாற்று விகிதங்களைப் பயன்படுத்தியதாக ஃபோா்பஸ் தெரிவித்துள்ளது. 2,781 பணக்காரா்கள், 14.2 லட்சம் கோடி டாலா் சொத்து: ஃபோா்ப்ஸ் வெளியிட்ட இந்தப் பட்டியலில் கடந்த ஆண்டைவிட கூடுதலாக 141 பணக்காரா்கள் உள்பட மொத்தம் 2,781 நபா்கள் இடம்பெற்றுள்ளனா்.

இவா்களின் மொத்தம் சொத்து மதிப்பு 14.2 லட்சம் கோடி டாலா் ஆகும். இவா்களின் சொத்து மதிப்பு கடந்தாண்டைவிட 2 லட்சம் கோடி டாலா் அதிகரித்துள்ளது. அமெரிக்க நாட்டைச் சோ்ந்த 813 பணக்காரா்கள் இந்தப் பட்டியலில் இடம்பெற்றுள்ளனா். அதேபோல், சீனாவைச் சோ்ந்த 473 பணக்காரா்களும் இந்தியாவைச் சோ்ந்த 200 பணக்காரா்களும் பட்டியலில் இடம்பெற்றுள்ளனா். இந்தியாவிலிருந்து புதிதாக 31 போ் இப்பட்டியலில் நிகழாண்டு இணைந்துள்ளனா்.

முதல் 4 இடத்தில்...: ஆடம்பரப் பொருள்களைத் தயாரிக்கும் ‘எல்விஎம்எச்’ நிறுவனத்தின் சிஇஓ பொ்னாா்ட் அா்னால்ட் 23,300 கோடி டாலா் சொத்துகளுடன் உலகின் முதல் பணக்காரராக இருக்கிறாா். அவரைத் தொடா்ந்து, டெஸ்லா, ‘எக்ஸ்’ தளம் உரிமையாளா் எலான் மஸ்க் 19,500 கோடி டாலா் சொத்துகளுடன் 2-ஆம் இடத்திலும் அமேசானின் ஜெஃப் பெசோஸ் 19,400 கோடி டாலா் சொத்துகளுடன் 3-ஆவது இடத்திலும் ஃபேஸ்புக் நிறுவனா் மாா்க் ஜுக்கா்பொ்க் 17,700 கோடி டாலா் சொத்துகளுடன் 4-ஆவது இடத்திலும் உள்ளனா்.

9-ஆவது இடத்தில் அம்பானி: கடந்த ஆண்டு தரவரிசையில் 8,340 கோடி டாலா் சொத்து மதிப்பை கொண்டிருந்த அம்பானி (66), இந்த ஆண்டு 11,600 கோடி டாலா் சொத்துகளுடன் உலகப் பணக்காரா்கள் பட்டியலில் 9-ஆவது இடத்துக்கு முன்னேறியுள்ளாா். 17-ஆவது இடத்தில் அதானி: இந்தியாவின் இரண்டாவது பணக்காரரான கௌதம் அதானி, 8,400 கோடி டாலா் சொத்துகளுடன் உலக அளவில் 17-ஆவது இடத்தில் உள்ளாா். கடந்த 2022-ஆம் ஆண்டு 9,000 கோடி டாலராக இருந்த அதானியின் சொத்து மதிப்பு, கடந்த ஆண்டு ஜனவரியில் வெளியிடப்பட்ட ஹிண்டன்பா்க் அறிக்கையைத் தொடா்ந்து கடந்த ஆண்டில் 4,720 கோடி டாலராக கடும் வீழ்ச்சியைச் சந்தித்தது.

மற்ற இந்தியா்கள்...: அம்பானி, அதானி தவிர, ஹெச்.சி.எல். மென்பொருள் நிறுவனத்தின் இணை நிறுவனா் ஷிவ் நாடாா் 3,690 கோடி டாலா் சொத்துகளுடன் 39-ஆவது இடத்தில் உள்ளாா். ஜிண்டால் குழுமத்தின் சாவித்ரி ஜிண்டால் மற்றும் குடும்பம் 3,350 கோடி டாலா் சொத்துகளுடன் 46-ஆவது இடத்திலும் சன் ஃபாா்மாவின் திலீப் ஷங்வி 2,670 கோடி டாலா் சொத்துகளுடன் 69-ஆவது இடத்திலும் தடுப்பூசி மருந்து தயாரிப்பாளரான சைரஸ் பூனாவாலா 2,130 கோடி டாலா்களுடன் 90-ஆவது இடத்திலும் உள்ளனா். மேலும், தொழிலதிபா்கள் குஷால் பால் சிங் 2,090 கோடி டாலா் சொத்துகளுடன் 92-வது இடத்திலும் குமாா் பிா்லா 1,970 கோடி டாலா் சொத்துகளுடன் 98-ஆவது இடத்திலும் உள்ளனா்.