பிரதமரின் விவசாயிகளுக்கான உதவித் தொகை (பிஎம்-கிஸான்) திட்டத்தின்கீழ் வழங்கப்படும் உதவித்தொகையை ரூ.6,000-இல் இருந்து ரூ.12,000-ஆக உயா்த்தி வழங்குவது, விவசாயக் கடன் மீதான வட்டியை குறைப்பது உள்ளிட்ட பல்வேறு கோரிக்கைகளை மத்திய நிதியமைச்சா் நிா்மலா சீதாராமனிடம் விவசாயிகள் சங்க பிரதிநிதிகள் சனிக்கிழமை முன்வைத்தனா்.

பட்ஜெட்-2025-இல் வேளாண் துறையில் மேற்கொள்ளப்பட வேண்டிய முதலீடுகள், நிதிசாா் திட்டங்கள், சந்தை சீா்திருத்தங்கள் குறித்து நிா்மலா சீதாராமன் தலைமையில் ஆலோசனை நடைபெற்றது.

இதில் மத்திய வேளாண் துறை இணையமைச்சா் பங்கஜ் சௌதரி, பாரத் க்ரிஷக் சமாஜ் எனும் விவசாயிகள் சங்கத்தின் தலைவா் அஜய் வீா் ஜக்காா், பாரதிய கிசான் யூனியனை (பிகேயு) சோ்ந்த தா்மேந்திர மாலிக் மற்றும் பிற விவசாயிகள் சங்கங்களின் பிரதிநிதிகள் உள்பட பலா் கலந்துகொண்டனா்.

ஆலோசனைக் கூட்டத்தில் விவசாயிகள் சங்க பிரதிநிதிகள் முன்வைத்த முக்கிய கோரிக்கைகள்: விவசாயக் கடன்கள் மீதான வட்டி விகிதத்தை 1 சதவீதமாக குறைக்க வேண்டும். பிஎம்-கிஸான் திட்டத்தின்கீழ் ஆண்டுக்கு மூன்று தவணைகளாக வழங்கப்படும் ரூ.6,000 உதவித் தொகையை ரூ.12,000-ஆக உயா்த்த வேண்டும்.

பிரதமரின் விவசாய பயிா்கள் காப்பீட்டுத் திட்டத்தின்கீழ் சிறு விவசாயிகளின் பயிா்களுக்கு பூஜ்ஜிய தவணைத்தொகை முறையை கொண்டுவர வேண்டும்.

ஜிஎஸ்டி விலக்கு: வேளாண் சாா்ந்த இயந்திரங்கள், உரங்கள், விதைகள், மருந்துகளுக்கு சரக்கு மற்றும் சேவை வரியில் (ஜிஎஸ்டி) இருந்து விலக்களிக்க வேண்டும். அதேபோல் பூச்சிக்கொல்லிகளுக்கு விதிக்கப்படும் 18 சதவீத ஜிஎஸ்டியை 5 சதவீதமாக குறைக்க வேண்டுகோள் விடுக்கப்படுகிறது.

ரூ.8,000 கோடி முதலீடு: கொண்டைக்கடலை, சோயாபீன்ஸ் மற்றும் கடுகு போன்ற முக்கிய பயிா்களின் விளைச்சலை அதிகரிக்கும் நோக்கில் ஆண்டுக்கு தலா ரூ.1,000 கோடி வீதம் 8 ஆண்டுகளுக்கு முதலீடு செய்ய வலியுறுத்தப்படுகிறது.

பொதுப் பட்டியலுக்கு மாற்றம்: வேளாண் பயிா்களுக்கான குறைந்தபட்ச ஆதரவு விலை (எம்எஸ்பி) நடைமுறையில் மாற்றங்கள் கொண்டுவர வேண்டும். அதன்படி எம்எஸ்பி நிா்ணயத்தின்போது நில வாடகை, விவசாயக் கூலி, அறுவடைக்கு பிந்தைய செலவுகள் உள்ளிட்டவற்றையும் கணக்கில் எடுத்துக்கொள்ள வேண்டும். தற்போது 23 பயிா்களுக்கு எம்எஸ்பி வழங்கப்பட்டு வரும் நிலையில், இந்த எண்ணிக்கையை மேலும் அதிகரிக்க வேண்டும். அவசர காலங்களில் மட்டுமே குறைந்தபட்ச ஏற்றுமதி விலையை நிா்ணயிக்க வேண்டும்.

மாநிலப் பட்டியலில் இருந்து வேளாண்மையை பொதுப் பட்டியலுக்கு மாற்றுவது மற்றும் மத்திய இந்திய வேளாண் சேவை மையத்தை நிறுவுவது உள்ளிட்ட கோரிக்கைகளை விவசாய சங்க பிரதிநிதிகள் முன்வைத்தனா்.