சிபிஎஸ்இ பொதுத் தேர்வுகள்: வெளியானது ஹால் டிக்கெட்

மத்திய இடைநிலை கல்வி வாரியத்தின் கீழ் இயங்கும் பள்ளிகளில் பயிலும் 10 மற்றும் 12ஆம் வகுப்பு பொதுத் தேர்வு எழுதும் மாணவர்களுக்கான ஹால் டிக்கெட் வெளியிடப்பட்டுள்ளது.

சிபிஎஸ்இயின் cbse.gov.in என்ற அதிகாரப்பூர்வ இணையதளத்தில், ஹால்டிக்கெட் வெளியிடப்பட்டுள்ளது. அதில், பரிக்ஷா சங்கம் தளத்தில் சென்று பள்ளிகள் தங்களது மாணவர்களின் ஹால் டிக்கெட்டை பதிவிறக்கம் செய்துகொள்ளலாம் என்று அறிவிக்கப்பட்டுள்ளது.

இதையும் படிக்க..பிளாஸ்டிக் ரூபாய் நோட்டு அறிமுகம்?: மத்திய அரசு பதில்

இந்த தேர்வுக்கூட அனுமதிச் சீட்டில் மாணவர்கள் தங்களது தேர்வு எண், தேர்வு மையம் உள்ளிட்ட பல்வேறு விஷயங்களை தெரிந்து கொள்ளலாம் என்றும் தெரிவிக்கப்பட்டுள்ளது.

தேர்வறைக்கு வருகை தரும் நேரம் உள்ளிட்ட பல்வேறு வழிகாட்டுதல்களும் மாணவர்களுக்கு தேர்வுக்கூட அனுமதிச் சீட்டில் இடம்பெற்றுள்ளதாகக் கூறப்படுகிறது.

பத்து மற்றம் 12ஆம் வகுப்புப் பொதுத் தேர்வுகள் பிப்ரவரி 15ஆம் தேதி தொடங்குகிறது. 10ம் வகுப்பு தேர்வு மார்ச் 13ஆம் தேதியும் 12ஆம் வகுப்புத் தேர்வு ஏப்ரல் 2ஆம் தேதியும் நிறைவுபெறுகிறது.