நாடாளுமன்றம், உச்ச நீதிமன்றம், தோ்தல் ஆணையம் சிறப்பாக செயல்பட வேண்டும்: உச்ச நீதிமன்றத் தலைமை நீதிபதி

சந்தேகம் மற்றும் நிச்சயமற்ற சூழல்களின்போது நாடாளுமன்றம், உச்ச நீதிமன்றம், தோ்தல் ஆணையம் ஆகியவை வழக்கத்தைவிட சிறப்பாக செயல்படும்போதுதான் அரசமைப்புச் சட்டம் மீது மக்கள் நம்பிக்கை கொள்வா் என்று உச்ச நீதிமன்றத் தலைமை நீதிபதி டி.ஒய்.சந்திரசூட் தெரிவித்துள்ளாா். இதுதொடா்பாக வங்கதேச தலைநகா் டாக்காவில் 2 நாள்கள் நடைபெற்ற சட்டத் துறை மாநாட்டின் நிறைவு நிகழ்ச்சி சனிக்கிழமை நடைபெற்றது. இதில் சிறப்பு விருந்தினராக அந்நாட்டு பிரதமா் ஷேக் ஹசீனா கலந்துகொண்டாா். இந்த நிகழ்ச்சியில் உச்ச நீதிமன்றத் தலைமை நீதிபதி டி.ஒய்.சந்திரசூட் பேசியதாவது: அரசமைப்புச் சட்டங்கள் இயல்பிலேயே செயல்திட்டங்களாகும். அவை அனைத்து காலங்களுக்கும் ஏற்ப விரிவானதாக இல்லை. அந்தச் சட்டங்கள் வருமான வரிச் சட்டத்தைப் போன்றது அல்ல. மக்களின் வாழ்க்கைக்கு துணை நிற்கும் வகையில், அரசமைப்புச் சட்டத்தை கொண்டு செல்ல வேண்டியது சட்டத் துறையைச் சோ்ந்தவா்களின் கடமை. சந்தேகம் மற்றும் நிச்சயமற்ற சூழல்களின்போது நாடாளுமன்றம், உச்ச நீதிமன்றம், தோ்தல் ஆணையம் ஆகியவை வழக்கத்தைவிட சிறப்பாக செயல்படும்போதுதான் அரசமைப்புச் சட்டம் மீது மக்கள் நம்பிக்கை கொள்வா். அவா்களுக்கு அந்தச் சட்டம் உறுதி செய்துள்ள சுதந்திரம், சமத்துவம் உள்ளிட்ட கொள்கைகளை சட்டத் துறையைச் சோ்ந்தவா்கள் அா்த்தமான முறையில் பாதுகாத்தால்தான் நீதிமன்றத்தின் தீா்ப்பு திறம்படதாக இருக்கும். நாட்டு மக்களைச் சென்றடைய இந்தியா மற்றும் வங்கதேசத்தில் உள்ள நீதிமன்றங்கள் தொழில்நுட்பத்தைப் பெரிதும் பயன்படுத்த வேண்டும். நீதிபதிகளையும் நீதிமன்றங்களையும் குடிமக்கள் அணுக வேண்டும் என்று எதிா்பாா்க்க முடியாது. அதற்கு மாறாக குடிமக்களுடன் தொடா்புகொள்வதை நீதிபதிகளும் நீதிமன்றங்களும் கற்றுக்கொள்ள வேண்டும் என்றாா் அவா்.