பிரபல மலையாள இயக்குநரும் திரைக்கதை எழுத்தாளருமான சங்கீத் சிவன் உடல்நலக் குறைவால் மும்பையில் இன்று (மே 8) காலமானார். அவருக்கு வயது 65.

பிரபல ஒளிப்பதிவாளர் சந்தோஷ் சிவனின் சகோதரரான இவர், ஹிந்தி, மலையாளத் திரைப்படத் துறையில் மகத்தான பங்களிப்பை அளித்துள்ளார்.

மும்பையில் வசித்து வந்த சங்கீத் சிவன், நெஞ்சுவலி காரணமாக மும்பையிலுள்ள தனியார் மருத்துவமனையில் அனுமதிக்கப்பட்டிருந்தார். அங்கு சிகிச்சை பெற்று வந்த நிலையில், இன்று (மே 8) இரவு 8 மணியளவில் சிகிச்சை பலனின்றி அவர் உயிரிழந்தார். இதனை அவரின் சகோதரர் சந்தோஷ் சிவன், ஆங்கில ஊடகத்திற்கு குறுஞ்செய்தி மூலம் உறுதிப்படுத்தியுள்ளார்.

இறுதிச் சடங்குகள் அவரின் இல்லத்தில் நாளை மாலை 4 மணியளவில் நடைபெறும் எனத் தெரிவிக்கப்பட்டுள்ளது.

இயக்குநர் சிவனின் மூன்று மகன்களில் மூத்தவர் சங்கீத் சிவன். 1990ஆம் ஆண்டு வ்யோஹம் என்ற திரைப்படத்தின் மூலம் இயக்குநராக அறிமுகமானார். அதனைத் தொடர்ந்து யோதா, டாடி, கந்தர்வம், இடியட்ஸ் போன்ற பல படங்களை இயக்கினார். மோகன் லால் நடித்த யோதா படம் இன்றளவும் கிளாசிக் படமாக பார்க்கப்படுகிறது.

1998ஆம் ஆண்டு ஸோர் என்ற படத்தின் மூலம் பாலிவுட்டில் இயக்குநராக அறிமுகமானார். ஹிந்தியில் 9 திரைப்படங்களை இயக்கியுள்ளார்.

சங்கீத் சிவனின் மறைவுக்கு திரையுலக பிரலங்கள் பலர் இரங்கல் தெரிவித்து வருகின்றனர்.