மக்களவை 4-ஆம் கட்ட தேர்தலில் 11 மணி வாக்குப்பதிவு நிலவரத்தை இந்திய தேர்தல் ஆணையம் வெளியிட்டுள்ளது.

ஆந்திரம், தெலங்கானா, ஒடிஸா உள்ளிட்ட 9 மாநிலங்களில் 95 தொகுதிகள், ஜம்மு-காஷ்மீா் யூனியன் பிரதேசத்தில் ஒரு தொகுதி என மொத்தம் 96 தொகுதிகளில் இன்று காலை 7 மணி முதல் வாக்குப் பதிவு தொடங்கி நடைபெற்று வருகிறது.

காலை 11 மணி நிலவரப்படி 24.87 சதவிகிதம் வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது. அதிகபட்சமாக மேற்கு வங்கம் மாநிலத்தில் 32.78%, குறைந்தபட்சமாக ஜம்மு - காஷ்மீரில் 14.94% வாக்குகள் பதிவாகியுள்ளது.

பிற மாநிலங்கள், 11 மணி நிலவரம்:

ஆந்திரம் - 23.10%

பிகார் - 22.54%

ஜார்கண்ட் - 27.40%

மத்திய பிரதேசம் - 32.38%

மகாராஷ்டிரம் - 17.51%

ஒடிஸா - 23.28%

தெலங்கானா - 24.31%

உத்தர பிரதேசம் - 27.12%

18-ஆவது மக்களவைக்கு ஏழு கட்டமாக தோ்தல் (ஏப். 19, 26, மே 7, 13, 20, 25, ஜூன் 1) அறிவிக்கப்பட்டு, மூன்று கட்ட வாக்குப் பதிவுகள் ஏற்கெனவே நடைபெற்று முடிந்துள்ளன.