விடுகதைப் பாட்டு

இலையும் கிளையும் இல்லா மரம்

நிலையாய் நிற்கும் நல்ல மரம்!

-

கோபுர வடிவம் கொண்ட மரம்

காயும் கனியும் கொடா மரம்!

-

சிறுவரைக் கவரும் சிறிய மரம்

சிறு இடம் அடங்கும் பொது மரம்!

-

பறவைகள் அண்டா புதுமை மரம்

படிகளும் கொண்ட விந்தை மரம்!

-

ஒருபுறம் ஏற்றம் உள்ள மரம்

மறுபுறம் இறக்கம் கொண்ட மரம்!

இம்மரம் எதுவென எண்ண மிடு

உன் விடை உடனே உரைத்து விடு!

எஸ் .ஆர்.ஜி. சுந்தரம்