சிறப்பாசிரியர்கள் பணிக்கு வேலைவாய்ப்பு அலுவலக பதிவு மூப்பு விவரம் அறிவிப்பு

உடற் கல்வி ஆசிரியர், ஓவிய ஆசிரியர், தையல் ஆசிரியர் மற்றும் இசை ஆசிரியர்கள் தேர்வு செய்ய வேலைவாய்ப்பு அலுவலகத்தில் பதிவு மூப்பு பட்டியல் வெளியிடப்பட்டுள்ளது.

இதுகுறித்து மாவட்டவேலைவாய்ப்பு அலுவலர் செந்தில்குமார் வெளியிட்டுள்ள செய்திக்குறிப்பு:

ஆசிரியர் தேர்வு வாரியம் உடற்கல்வி ஆசிரியர், ஓவிய ஆசிரியர், தையல் ஆசிரியர் மற்றும் இசை ஆசிரியர் பணியிடங்களை பதிவு மூப்பு அடிப்படையில் தேர்வு செய்யவுள்ளது. 

கடலூர் மாவட்ட வேலைவாய்ப்பு அலுவலகத்தில் இந்த பிரிவுகளில் ஆசிரியர் பயிற்சி முடித்து பதிவு செய்துள்ள மனுதாரர்களின் உத்தேச பதிவு மூப்பு பட்டியல் வேலைவாய்ப்பு அலுவலகத்தில் வெளியிடப்பட்டுள்ளது. தகுதியான மனுதாரர்கள் தங்கள் விவரங்களை சரிபார்த்துக் கொள்ளுமாறும் விடுபாடுகள் திருத்தங்கள் இருந்தால் உரிய சான்றுடன் வரும் ஜூலை 6-ம் தேதிக்குள் மாவட்ட வேலைவாய்ப்பு அலுவலகத்தை அணுகலாம்.