மணி ரத்னத்தின் அடுத்தப் படத்தில் கார்த்தி ஹீரோ?

மணி ரத்னத்தின் அடுத்தப் படத்தில் நடிகர் கார்த்தி நடிக்கப் போவதாக தகவல்கள் கிடைத்துள்ளன.

ஓகே கண்மணிக்குப் பிறகு இயக்குநர் மணி ரத்னம் தனது அடுத்தப் படத்துக்கான வேலைகளை ஆரம்பித்துவிட்டார். சமீபத்தில் இதற்கான போட்டோ ஷூட்டும் நடத்தியுள்ளார். ஆனால், படம் தொடர்பான எந்தத் தகவல்களையும் இதுவரை அதிகாரபூர்வமாக அறிவிக்கவில்லை.

மணி ரத்னத்தின் புதிய படத்தில் நடிகர் கார்த்தி நடிக்க உள்ளதாகத் தகவல்கள் தெரிவிக்கின்றன. அவர் நடிக்க விருப்பம் தெரிவித்துவிட்டாலும் இன்னும் ஒப்பந்தத்தில் கையெழுத்திடவில்லை. மணி ரத்னம் - கார்த்தி கூட்டணி பற்றி அதிகாரபூர்வ அறிவிப்பு விரைவில் வெளியாகும் எனத் தெரிகிறது. படப்பிடிப்பு செப்டம்பரில் தொடங்கும் எனவும் எதிர்பார்க்கப்படுகிறது.

இதே கதையை மலையாளத்திலும் எடுக்க மணி ரத்னம் முடிவெடுத்துள்ளார். மலையாளத்தில் மம்மூட்டி நடிக்க உள்ளார்.

மணி ரத்னத்தின் ஆய்த எழுத்து படத்தில் உதவி இயக்குநராகப் பணியாற்றியவர், கார்த்தி என்பது குறிப்பிடத்தக்கது.