இயக்குநர் அருண் வைத்தியநாதன் இயக்கத்தில் ஆக்‌ஷன் கிங் அர்ஜூன்,பிரசன்னா,வரலட்சுமி சரத் குமார் நடித்துள்ள படம் “நிபுணன்” இந்த படத்தின் கிளைமேக்ஸ் காட்சியில் நடிக்க ரசிகர்களுக்கு ஒரு வித்தியாசமான முறையில்  வாய்ப்பளித்துள்ளது படக்குழு.

இதன்படி ரசிகர்களுக்கு எடுத்துக்காட்டாக ஒரு சிறிய வீடியோ கொடுக்கப்பட்டுள்ளது.அந்த வீடியோவில் இடம்பெறுவது போல அதிர்ச்சி மற்றும் பயத்தை வெளிக்காட்டும் முக பாவனையோடு நீங்கள் இருக்கும் பகுதியின் முக்கிய லேண்ட் மார்க்குகளுக்கு (சென்னை என்றால் மெட்ரோ ரயில் நிலையம்,சென்ட்ரல் ரயில் நிலையம் அருகிலோ அல்லது மதுரை என்றால் மீனாட்சியம்மன் கோவில் அருகிலோ)அருகில் நின்று உங்கள் ஸ்மார்ட் போனில் நடித்து அந்த வீடியோ பதிவை படக்குழுவுக்கு அனுப்ப வேண்டும்.

இந்த வீடியோக்கள் HD பார்மேட்டில் தெளிவாக படம்பிடிக்கப்பட்டிருக்க வேண்டும்.குறிப்பாக இரவு நேரத்தில் இந்த வீடியோவானது படம் பிடிக்கப்பட்டிருக்க வேண்டும்.தங்களுக்கு வரும் வீடியோக்களில் சிறந்த வீடியோ,நிபுணன் படத்தின் இறுதிக் காட்சியில் பயன்படுத்தப்படும் என படக்குழு அறிவித்துள்ளது.

நீங்கள் பதிவு செய்யும் வீடியோவை NIAMNIBUNAN என்ற ஹேஷ்டேக் இணைத்து பேஸ்புக் அல்லது டிவிட்டரில் பதிவிட வேண்டும். கீழே கொடுக்கப்பட்டுள்ள வீடியோதான் நீங்கள் நடிக்க வேண்டிய காட்சிக்கான எடுத்துக் காட்டு..!