மத்திய இணையமைச்சராகப் பொறுப்பேற்றுள்ள எல்.முருகனுக்கு அதிமுக இணை ஒருங்கிணைப்பாளரும், தமிழ்நாடு சட்டப்பேரவை எதிர்க்கட்சித் தலைவருமான எடப்பாடி பழனிசாமி வாழ்த்து தெரிவித்துள்ளார்.

பிரதமர் மோடி தலைமையிலான மத்திய அமைச்சரவையில் மாற்றம் செய்யப்பட்டதைத் தொடர்ந்து தமிழ்நாடு பாஜக தலைவராக இருந்த எல்.முருகன் இணையமைச்சராகப் பொறுப்பேற்றுக் கொண்டார்.

அவருக்கு பல்வேறு அரசியல் கட்சித் தலைவர்களும் வாழ்த்து தெரிவித்து வருகின்றனர். இந்நிலையில் தமிழ்நாடு சட்டப்பேரவையின் எதிர்க்கட்சித் தலைவரும், அதிமுக இணை ஒருங்கிணைப்பாளருமான எடப்பாடி பழனிச்சாமி தனது வாழ்த்து செய்தியைப் பகிர்ந்து கொண்டுள்ளார். 

தொலைபேசி வாயிலாக எல்.முருகனை தொடர்பு கொண்ட அவர் தனது வாழ்த்துகளை தெரிவித்துக் கொண்டார்.