இசையமைப்பாளர் ஏ.ஆர். ரஹ்மான் உலகளவில் கவனிக்கப்படும் நபராக இருக்கிறார். திரைப்படங்கள், இசை நிகழ்ச்சிகள் என ஆண்டு முழுவதும் பரபரப்பான வேகத்துடனே செயல்பட்டு வருபவர்.

இவருக்கு மூன்று பிள்ளைகள் உள்ளனர். அதில், மூத்த மகளான கதிஜா தன் தந்தையைப்போன்று இசைத்துறையின் மீது ஆர்வம் கொண்டு முறையாக இசைபயின்று இசையமைப்பாளராக உள்ளார். இளைய மகன் ஏ.ஆர்.அமீனும் பின்னணி பாடகராக கவனம் பெற்றவர்.

இவர்கள் இருவரும் இசைத்துறையில் இருந்தாலும் ஏ.ஆர்.ரஹ்மானின் இளைய மகளான ரஹீமா துபையில் சமையல் கலை படிப்பை பயின்று வந்தார்.

தற்போது, அவர் தன் படிப்பை முடித்து சமையல் கலைஞராகியுள்ளதை (செஃப்) மகிழ்ச்சியுடன் அறிவித்துள்ளார் ஏ.ஆர்.ரஹ்மான்!