சென்னையில் ஆபரணத் தங்கத்தின் விலை 4 நாள்களுக்குப் பிறகு இன்று(வெள்ளிக்கிழமை) சற்றே உயர்ந்துள்ளது.

கடந்த வாரம் ஏறுமுகத்தில் இருந்த தங்கத்தின் விலை, இந்த வாரத்தில் அதிரடியாகக் குறைந்தது. கடந்த 4 நாள்களில் மட்டும் தங்கத்தின் விலை ஒரு சவரனுக்கு ரூ. 2,720 குறைந்தது. இதனால் மக்கள் மகிழ்ச்சி அடைந்தனர்.

இதையும் படிக்க | சபரிமலை மண்டல பூஜை: இன்று மாலை நடை திறப்பு!

இதையடுத்து 4 நாள்களுக்குப் பிறகு இன்று தங்கத்தின் விலை சற்றே உயர்ந்துள்ளது.

இன்று(வெள்ளிக்கிழமை) காலை நிலவரப்படி, ஒரு சவரனுக்கு ரூ. 80 உயர்ந்து ரூ. 55,560-க்கு விற்பனை செய்யப்படுகிறது. ஒரு கிராம் தங்கம் ரூ. 10 உயர்ந்து ரூ. 6,945-க்கு விற்பனையாகிறது.

வெள்ளி விலையும் கடந்த சில நாள்கள் குறைந்த நிலையில், இன்று வெள்ளி விலையில் மாற்றமில்லை.

ஒரு கிராம் ரூ. 99-க்கும் கட்டி வெள்ளி ஒரு கிலோ ரூ. 99,000-க்கும் விற்பனை செய்யப்படுகிறது.