திருச்செந்தூர் ஊராட்சி ஒன்றியத்தின் பிச்சிவிளை ஊராட்சியில் தேர்தல் புறக்கணிப்பால் பணியாளர்கள் மட்டும் இருந்ததால் வாக்குச்சாவடி வெறிச்சோடியது.

6 வார்டுகளை கொண்ட பிச்சிவிளை ஊராட்சியில் மொத்தமுள்ள 785 வாக்காளர்களில் 6 பேர் மட்டுமே பட்டியல் இனத்தவராவர். இச்சூழலில் சுழற்சி அடிப்படையில் தலைவர் பதவியை பட்டியல் இனத்தவர்க்கு தேர்தல் ஆணையத்தால் ஒதுக்கீடு செய்யப்பட்டது. 

இதற்கு எதிர்ப்பு தெரிவித்து தலைவர் பதவிக்கு 2 பேர் மட்டுமே வேட்பு மனு தாக்கல் செய்து போட்டியிடும் சூழலில், வார்டு உறுப்பினருக்கு யாருமே வேட்பு மனு தாக்கல் செய்யவில்லை. தற்போது தேர்தலையும் அப்பகுதி மக்கள் புறக்கணித்துள்ளது குறிப்பிடத்தக்கது.