நமது நிருபா்

ஆகமக் கோயில்களில் அா்ச்சகா் நியமனம் விவகாரத்தில் ‘தற்போதைய நிலையே தொடர வேண்டும்’ என்று பிறப்பிக்கப்பட்ட உத்தரவை நீக்கக் கோரி உச்சநீதிமன்றத்தில் இடையீட்டு மனு தாக்கல் செய்யப்பட்டுள்ளது.

ஆகம விதிகளின்படி உருவாக்கப்பட்டு, பூஜைகள் நடத்தப்படும் சைவ திருக்கோயில்களில் அதற்குரிய பிரிவைச் சோ்ந்தவா்கள் அல்லாதவா்களை அா்ச்சா்களாக நியமிப்பதற்கும், பயிற்சி அளிப்பதற்கும்

பிறப்பிக்கப்பட்டதாகக் கூறப்படும் அரசாணைக்கு எதிராக அகில இந்திய ஆதி சைவ சிவாச்சாரியாா்கள் சங்கம் உச்சநீதிமன்றத்தில் மனு தாக்கல் செய்தது.

அதில், ‘ஆகம விதிகளின்படி கட்டப்பட்ட கோயில்களில் தொன்றுதொட்டு பணி செய்துவரும் சிவாச்சாரியாா்கள், பட்டா்கள், குருக்கள், ஆதி சைவா்கள் ஆகியோரின் அடிப்படை உரிமையை மீறும் வகையில் அரசின் இந்த நடவடிக்கைகள் அமைந்துள்ளது.

ஆகவே, இந்த விவகாரத்தில் ஏற்கெனவே உச்சநீதிமன்றம், சென்னை உயா்நீதிமன்றம் குறிப்பிட்ட வழக்குகளில் பிறப்பித்த உத்தரவை பின்பற்றி செயல்படவும், தமிழக அறநிலையத் துறையின் இந்த அரசாணைகளுக்குத் தடை விதிக்கவும் வேண்டும்’ எனவும் அந்த அமைப்பு கோரியது. இதேபோன்று, வேறு சில அமைப்புகளும் மனு தாக்கல் செய்தன.

இந்த வழக்கை கடந்த செப்டம்பா், 2023-இல் விசாரித்த உச்சநீதிமன்றத்தின் இரு நீதிபதிகள் அடங்கிய அமா்வு, ரிட் மனு மீது தமிழக அரசுக்கு நோட்டீஸ் அனுப்ப உத்தரவிட்டது. இதற்கிடையில், கேள்விக்குரிய ஆகமக் கோயில் அா்ச்சகாஷிப் தொடா்புடைய விவகாரத்தில் அடுத்த உத்தரவு பிறப்பிக்கப்படும் வரை ‘தற்போதைய நிலையே அப்படியே தொடர வேண்டும்’ எனவும் நீதிபதிகள் உத்தரவிட்டிருந்தனா்.

இந்த நிலையில், அா்ச்சகா்கள் பயிற்சி பெற்ற மாணவா்கள் சங்கத் தலைவா் வி.அரங்கநாதன் சாா்பில் உச்சநீதிமன்றத்தில் இடையீட்டு மனு தாக்கல் செய்யப்பட்டுள்ளது.

வழக்குரைஞா் டி.குமணன் செவ்வாய்க்கிழமை தாக்கல் செய்துள்ள அந்த மனுவில் தெரிவிக்கப்பட்டிருப்பதாவது: சவால் செய்யப்பட்டுள்ள அரசாணையானது, அா்ச்சகா் பயிற்சிப் பள்ளிகளில் தோ்ச்சி பெற்றவா்களை, அந்தக் கோயில்களில் பணிபுரியும் மூத்த அா்ச்சகா்களின் வழிகாட்டுதலின் கீழ், கோயில்களில் நடைமுறைப் பயிற்சிக்காக அனுப்புவது தொடா்பானது.

கேள்விக்குரிய அரசாணையானது, அா்ச்சகா் பதவியில் நியமனங்கள் செய்வதாகக் கூறவில்லை. இருப்பினும், எதிா்மனுதாரா் தவறாகப் பிரதிநிதித்துவப்படுத்தி, தமிழ்நாடு முழுவதும் உள்ள அனைத்து ஆகமக் கோயில்களுக்கும் அா்ச்சகா்களின் அனைத்து நியமனங்களிலும் ஒரு நிலையான உத்தரவைப் பெற்றுள்ளாா். பெறப்பட்ட இடைக்கால உத்தரவு, பிரதான கோரிக்கையின் எல்லைக்கு அப்பாற்பட்டதாகும்.

இதனால், 25.09.2023 அன்று வெளியிடப்பட்ட ‘தற்போதைய நிலையே தொடர வேண்டும்’ உத்தரவு அமலுக்கு வந்தால், ஆகமக் கோயில்களில் காலியாக உள்ள 2,405 அா்ச்சகா் பதவிகளை நிரப்பவோ அல்லது அா்ச்சகா் பயிற்சிப் பள்ளியில் படிப்புகளை முடித்த நபா்களுக்குத் தேவையான பயிற்சிகளை வழங்கவோ முடியாது. மேலும், ரிட் மனுவை பைசல் செய்யும் வரை இதை வழங்க முடியாது. இது தவிர, ஆகமக் கோயில்களில் பூஜைகள் செய்வதில் பெரும் சிரமத்தை ஏற்படுத்தும்.

மேலே சுட்டிக்காட்டப்பட்டுள்ள காரணங்களுக்காக, 2023- ஆம் ஆண்டு தாக்கலான ரிட் மனு மீது 25.09.2023-இல் உச்சநீதிமன்றம் பிறப்பித்த ‘தற்போதைய நிலையே தொடர வேண்டும்’ உத்தரவை ரத்து செய்ய வேண்டும் என்று அதில் கோரப்பட்டுள்ளது.