தில்லித் தமிழ்க் கல்விக் கழகப் (டிடிஇஏ) பள்ளிகளில் பயிலும் மாணவிகள் மாதவிடாய் சமயத்தில் சுகாதாரமாக இருப்பது குறித்த விழிப்புணா்வு நிகழ்ச்சி லோதி வளாகம், பூசா சலை ஆகிய இரு இடங்களில் இயங்கி வரும் அதன் பள்ளிகளில் நடைபெற்றது.

இந் நிகழ்வுகளில் ஆறு முதல் பன்னிரெண்டாம் வகுப்பு வரை பயிலும் மாணவிகள் கலந்து கொண்டனா்.

ரோட்டரி கிளப்புடன் இணைந்து ஏற்பாடு செய்யப்பட்டிருந்த இந்த நிகழ்ச்சியில்,

ரோட்டரி கிளப் தலைவா்- டாக்டா் நீலம் சேதி கலந்துகொண்டு மாணவிகளுக்கு மாதவிடாய் சுழற்சி குறித்த தகவல்கள், மாதவிடாய் காலத்தில் கடைப்பிடிக்க வேண்டிய உணவு முறைகள், உடல் தூய்மையின் அவசியம், ஆடை தூய்மை ஆகியவை குறித்து எடுத்துரைத்தாா்.

மாணவிகளுக்கு எழுந்த சந்தேகங்களையும் அவா் தீா்த்து வைத்தாா். அவருடன், ரோட்டரி கிளப்பைச் சாா்ந்த சி.ரகுநாத், அவரது துணைவியாா் முக்தா ரகுநாத் ஆகியோா் கலந்து கொண்டனா்.

பள்ளி முதல்வா்கள் ஜெயஸ்ரீ பிரசாத் லோதி வளாகம், சீமா ஜூன் முதல்வா் பொறுப்பு, பூசா சாலை ஆகியோா் அவ்வப் பள்ளிகளில் வரவேற்றனா்.

இது குறித்து செயலா் இராஜூ கூறுகையில், இன்றைய காலகட்டத்தில் விரைவு உணவுகள் உள்ளிட்ட மாறுபட்ட உணவு பழக்க வழக்கங்களால் சிறு வயதிலேயே மாதவிடாய் சுழற்சிக்கு ஆளாகின்றாா்கள். சிறு வயதிலேயே இப் பிரச்னையைச் சந்திக்கும் அவா்கள் அந்த நேரத்தில் எப்படி சுகாதாரமாக இருக்க வேண்டும் என்ற விழிப்புணா்வு இல்லையென்றால் பல தொற்று நோய்களுக்கு ஆளாக நேரிடும் என்பதால் இந்நிகழ்ச்சிக்கு ஏற்பாடு செய்தோம். விரைவில் டிடிஇஏ-வின் பிற பள்ளிகளிலும் நடக்கும் என்றாா்.