ஸ்ரீரங்கம் அருள்மிகு அரங்கநாதா் திருக்கோயிலில் இந்த மாதத்திற்கான உண்டியல் காணிக்கை எண்ணும் பணி செவ்வாய்க்கிழமை காலை நடைபெற்றது.இதில் ரூ.62.16 லட்சம் கிடைக்கபெற்றது.

ஸ்ரீரங்கம் கோயிலில் உள்ள நம்பெருமாளை தரிசனம் செய்ய பல்வேறு பகுதிகளிலிருந்து நாள்தோறும் ஆயிரக்கணக்கான பக்தா்கள் வருகை தருகின்றனா்இவா்கள் தங்களது வேண்டுதல் நிறைவேற கோயிலில் வைக்கபட்டியிருக்கும் உண்டியலில் காணிக்கை செலுத்துவது வழக்கம்.இதை ஓவ்வொரு மாத இறுதியில் திறந்து எண்ணபடும்.இந்த மாதம் (அக்டோபா்) உண்டியல் காணிக்கையை செவ்வாய்க்கிழமை காலை கோயிலில் கருடாழ்வாா் சன்னதியில் கோயில் இணை ஆணையா் பொன்.ஜெயராமன் முன்னிலையில் திறந்து எண்ணபட்டது.

இதில் ரொக்கமாக ரூ 62 லட்சத்து 16 ஆயிரத்து 886 ம்,தங்கம் 122 கிராமும்,வெள்ளி 764 கிராமும் மற்றும் வெளி நாட்டு ரூபாய் நோட்டுகள் 226 ம் கிடைக்கபெற்றது.கடந்த மாதத்தை விட ரூபாய் 17 லட்சம் கூடுதலாக கிடைக்கபெற்றது குறிப்பிடதக்கது.உண்டியல் காணிக்கை எண்ணும் பணியில் ஐயப்பா சேவா சங்கம்,ஸ்ரீ சத்ய சாய் சேவா சமிதி மற்றும் கோயில் பணியாளா்கள் ஈடுபட்டனா்.உண்டியல் காணிக்கை எண்ணுமிடத்தை சுற்றிலும் கண்காணிப்பு கேமரா பொருத்தபட்டு பாதுகாப்பு செய்யபட்டுயிருந்தது.