தேவையானவை:
பூண்டு - ஒரு கைப்பிடி
சின்ன வெங்காயம் - ஒரு கைப்பிடி
தனியா - கால் கிண்ணம்
சீரகம் - அரை தேக்கரண்டி
ஒமம் - அரை தேக்கரண்டி
மிளகு - 1 தேக்கரண்டி
தேங்காய் - முக்கால் கிண்ணம்
புளி - எலுமிச்சை அளவு
மஞ்சள் தூள் - 1 சிட்டிகை
உப்பு - தேவைக்கேற்ப
தேங்காய் எண்ணெய் ( அ)
நல்லெண்ணெய் - ஒரு தேக்கரண்டி
செய்முறை:
பூண்டு, சின்ன வெங்காயத்தை பாதிப்பாதியாக நறுக்கிக் கொள்ளவும். பின்னர், மேலே சொன்ன மற்ற எல்லா பொருள்களையும் எண்ணெய்விட்டு நன்றாக மணம் வரும்வரை வறுத்து எடுத்து சூடு ஆறியபின் மிக்ஸியில் பொடித்துக் கொள்ளவும்.
அத்துடன், தேங்காயை தனியாக வறுத்து அரைத்துக் கொள்ளவும். பின்னர், ஒரு வாணலியில், எண்ணெய்விட்டு காய்ந்ததும், கடுகு, கறிவேப்பிலை தாளித்து, சின்ன வெங்காயம், பூண்டை அரை வதக்கலாக வதக்கி, பிறகு, புளித் தண்ணீர், மஞ்சள், உப்பு சேர்த்து பின்னர், பொடித்த மசாலா கலவையைச் சேர்த்து ஒரு டம்ளர் தண்ணீர் விட்டு கொதிக்கவிடவும்.
லேசாக கொதி வந்ததும், தேங்காய் விழுதைச் சேர்த்து, நன்றாகச் சுண்ட விடவும். பிறகு நல்லெண்ணெய்ச் சேர்த்து கலக்கவும். சுவையான பூண்டு, மிளகுத் துவட்டல் தயார்.