தேவையான பொருள்கள்:
லட்சக் கெட்ட கீரை - 7
பாசிப் பருப்பு - அரை கப்
தக்காளி, வெங்காயம் - தலா 1
மஞ்சள் தூள் - 1 சிட்டிகை
உப்பு - தேவைக்கேற்ப
அரைப்பதற்கு:
கடலைப்பருப்பு - 1 தேக்கரண்டி
தேங்காய்த் துருவல் - 2 தேக்கரண்டி
காய்ந்த மிளகாய் - 2
சீரகம் - அரைத் தேக்கரண்டி
செய்முறை:
லட்சக் கெட்ட கீரையின் நரம்புகளை நீக்கி பொடியாக நறுக்கி, ஆய்ந்து சுத்தம் செய்து கொள்ள வேண்டும்.
பின்னர், அரைப்பதற்கு கொடுத்துள்ள பொருள்களை ஒரு தேக்கரண்டி எண்ணெய்விட்டு வறுத்து மிக்ஸியில் நைசாக அரைத்துக் கொள்ளவும்.
அதனுடன் பாசிப் பருப்பு, கீரை, பொடியாக நறுக்கிய தக்காளி, வெங்காயம், ஒரு சிட்டிகை மஞ்சள் தூள், உப்பு சேர்த்து குக்கரில் வைத்து 2 விசில்விட்டு வேக வைத்து எடுத்துக் கொள்ளவும்.
பின்னர், கடுகு தாளித்து சேர்த்து கிளறி பரிமாறவும். சுவையான லட்சக் கெட்ட கீரை கூட்டுத் தயார்.