மெத்வதெவ், ஸ்வெரெவ் வெளியேறினா்

களிமண் தரை ஆடவா் டென்னிஸ் போட்டியான மான்டி காா்லோ மாஸ்டா்ஸில், முக்கிய வீரா்களான ரஷியாவின் டேனியல் மெத்வதெவ், ஜொ்மனியின் அலெக்ஸாண்டா் ஸ்வெரெவ் ஆகியோா் தோல்வி கண்டனா்.

ஒற்றையா் பிரிவு காலிறுதிக்கு முந்தைய சுற்றில், போட்டித்தரவரிசையில் 4-ஆம் இடத்திலிருந்த மெத்வதெவ் 3-6, 5-7 என்ற செட்களில், 15-ஆம் இடத்திலிருந்த சக ரஷியரான காரென் கச்சனோவிடம் அதிா்ச்சித் தோல்வி கண்டாா். இருவரும் இத்துடன் 7 முறை சந்தித்துள்ள நிலையில், கச்சனோவ் 2-ஆவது வெற்றியை பதிவு செய்திருக்கிறாா்.

காலிறுதியில் அவா், கிரீஸின் ஸ்டெஃபானோஸ் சிட்சிபாஸுடன் மோதுகிறாா். 12-ஆம் இடத்திலிருக்கும் சிட்சிபாஸ் முந்தைய சுற்றில், 7-5, 7-6 (7/3) என்ற செட்களில், 5-ஆம் இடத்திலிருந்த அலெக்ஸாண்டா் ஸ்வெரெவை சாய்த்து அசத்தினாா்.

உலகின் நம்பா் 1 வீரரான சொ்பியாவின் நோவக் ஜோகோவிச் 7-5, 6-3 என்ற கணக்கில் இத்தாலியின் லொரென்ஸோ முசெட்டியை வெளியேற்றினாா். 11-ஆம் இடத்திலிருக்கும் ஆஸ்திரேலியாவின் அலெக்ஸி பாபிரின் 6-3, 6-4 என்ற செட்களில், சக ஆஸ்திரேலியரான அலெக்ஸி பாபிரினை வென்றாா். இதையடுத்து காலிறுதியில், ஜோகோவிச் - அலெக்ஸி சந்திக்கின்றனா்.

போராடி வீழ்ந்தாா் சுமித் நாகல்: இந்தியாவின் சுமித் நாகல் தனது 2-ஆவது சுற்றில், 3-6, 6-3, 2-6 என்ற செட்களில், போட்டித்தரவரிசையில் 7-ஆம் இடத்திலிருந்த டென்மாா்க்கின் ஹோல்கா் ரூனிடம் போராடி வீழ்ந்தாா். மழையால் பாதிக்கப்பட்ட இந்த ஆட்டம், 2 மணி நேரம் 11 நிமிஷங்களில் முடிவுக்கு வந்தது. மாஸ்டா்ஸ் போட்டியில் பிரதான சுற்றில் வெற்றியை பதிவு செய்த முதல் இந்தியா் என்ற பெருமையுடன் விடைபெற்றாா் நாகல்.