ஆசியப் போட்டி: சாய்னாவுக்கு வெண்கலம்; அரையிறுதியில் தோல்வி!

ஆசிய விளையாட்டுப் போட்டியில் பாட்மிண்டன் மகளிர் ஒற்றையர் பிரிவு அரையிறுதியில் இந்தியாவின் சாய்னா நெவால் தோல்வியடைந்துள்ளார்.

இன்று நடைபெற்ற அரையிறுதியில் சீன தைபேவின் தாய் ஜூ யிங்கைச் சந்தித்தார் சாய்னா. உலகின் நெ.1 வீராங்கனையான தாய் அட்டகாசமாக விளையாடி 21-17, 21-14 என நேர் செட்களில் சாய்னாவைத் தோற்கடித்து இறுதிச்சுற்றுக்கு முன்னேறினார். இதன்மூலம் சாய்னா இந்தப் போட்டியில் வெண்கலம் வென்றுள்ளார்.

ஆசியப் போட்டியில் இந்தியாவுக்கு 36 வருடங்கள் கழித்து தனிநபர் பதக்கம் கிடைத்துள்ளது.