இந்தியாவுக்கு எதிரான முதல் டெஸ்ட்டில் ஆஸி. மோசமான தோல்வியை சந்தித்தது.

ஆஸ்திரேலியாவின் ஆல் ரவுன்டர் மிட்செல் மார்ஷுக்கு கணுக்காலில் காயம் ஏற்பட்டுள்ளதால் அவரால் நூறு சதவிகிதம் விளையாடமுடியவில்லை என தகவல்கள் தெரிவிக்கின்றன.

3 ஆண்டுகளுக்குப் பிறகு மார்ஷ் பந்துவீசினார். ஆஸி. அணிக்கு அதுவும் பெரிதாக பலனளிக்கவில்லை என்பது வருத்தமான செய்தி.

2 வருடமாக சராசரி 50 உடன் ஷெஃபீல்டு ஷீல்டில் 303 ரன்கள், 9 விக்கெட்டுகள் அசத்தியுள்ளார் வெப்ஸ்டர்.

அடுத்த டெஸ்ட் போட்டி அடிலெய்டில் டிச.6ஆம் தேதி நடைபெறுகிறது.

இந்தப் போட்டியில் மிட்செல் மார்ஷுக்கு பதிலாக டாஸ்மானியன் பகுதியைச் சேர்ந்த ஆல் ரவுண்டர் பியூ வெப்ஸ்டரை தேர்வு செய்யலாம் என முன்னாள் விக்கெட் கீப்பர் ஐயன் ஹீலி தெரிவித்துள்ளார்.

இது குறித்து ஐயன் ஹீலி பேசியதாவது:

மார்ஷுக்கு பதிலாக வெப்ஸ்டரை அணியில் எடுக்க வேண்டும். மாற்றுவீரராக அல்லாமல் அனைத்து போட்டியிலும் விளையாடும்படி தேர்வு செய்ய வேண்டும். 12ஆவது வீரராக தேர்வு செய்வதைவிட பிளேயிங் லெவனில் இருக்க வேண்டும். இல்லையெனில் தேர்வாகாமல் இருப்பது நல்லது.

போலண்டுக்கு பதிலாக வெப்ஸ்டரை தேர்வு செய்யலாம். 2 மீட்டர் உயரம் கொண்டவர். இளைஞர்கள், 2ஆவது லெவன், ஆஸி. ஏ, ஷீல்டு லெவலில் சிறப்பாக விளையாடியுள்ளார். சிறந்த ஆல்ரவுண்டராக தொடர்ச்சியாக விளையாடியுள்ளார். குறிப்பாக அழுத்தமான நேரங்களில் சரியாக விளையாடியுள்ளார்.

மார்ஷ் குணமடைந்தால் டாப் ஆர்டரில் விளையாடலாம். அடுத்து ஆல்ரவுண்டராக வெப்ஸ்டர் விளையாடலாம் என்றார்.