கொல்கத்தா நைட் ரைடர்ஸுக்கு எதிரான ஆட்டத்தில் டாஸ் வென்று முதலில் பேட் செய்த ராயல் சேலஞ்சர்ஸ் பெங்களூரு நிர்ணயிக்கப்பட்ட 20 ஓவர்களில் 2 விக்கெட்டுகள் இழப்புக்கு 194 ரன்கள் குவித்துள்ளது.

இந்த ஆட்டத்தில் பெங்களூரு தொடக்க ஆட்டக்காரர் ஆரோன் பின்ச் 47 ரன்கள் குவித்து ஆட்டமிழந்தார்.

இதையடுத்து, 13-வது ஓவரில் டி வில்லியர்ஸ் களமிறங்கினார். 7 ஓவர்கள் மட்டுமே மீதமிருந்த நிலை என்றாலும் 33 பந்துகளை எதிர்கொண்ட அவர் 73 ரன்கள் குவித்தார்.

இந்த அதிரடியால் 13-வது ஓவரில் 7.6 ஆக இருந்த ரன் ரேட், 20 ஓவர்கள் முடிவில் 9.7 ஆக உயர்ந்தது.

பெங்களூரு பேட்டிங்குக்குப் பிறகு வர்ணணையாளர்கள் பின்ச்சிடம் கலந்துரையாடினர்.

அப்போது அவர் தெரிவித்ததாவது:

"டி வில்லியர்ஸ் சிறந்த பேட்ஸ்மேன். தனது சிறப்பான ஆட்டத்தின்மூலம்,  எளிதான ஆடுகளம் என்பது போன்ற தோற்றத்தை அளித்துவிடுவார். நான் முன்கூட்டியே ஆட்டமிழந்திருக்கலாம். ஒரு கட்டத்தில் இந்த மைதானத்தில் 180 ரன்கள் எடுத்தால் நல்ல ஸ்கோர் என்று எண்ணிணோம். தற்போது 194 ரன்கள் எடுத்துள்ளோம்."