சென்னை சூப்பர் கிங்ஸ் அணிக்காக 200-வது முறையாக மகேந்திர சிங் தோனி இன்று (புதன்கிழமை) களமிறங்கினார்.

ஐபிஎல் கிரிக்கெட்டில் ராயல் சேலஞ்சர்ஸ் பெங்களூரு, சென்னை சூப்பர் கிங்ஸ் அணிகள் விளையாடி வருகின்றன. டாஸ் வென்ற சென்னை கேப்டன் தோனி முதலில் பந்துவீச்சைத் தேர்வு செய்தார்.

இதையும் படிக்க | ‘36 வருட தவம்”: பாராட்டிய கமல்: நெகிழ்ந்த லோகேஷ் கனகராஜ்

இந்த ஆட்டம் சென்னை சூப்பர் கிங்ஸ் அணிக்காக தோனி களமிறங்கும் 200-வது ஆட்டம். கேப்டனாக சென்னை சூப்பர் கிங்ஸ் அணிக்கு 2010, 2011, 2018 மற்றும் 2021 ஆகிய ஆண்டுகளில் ஐபிஎல் கோப்பை பெற்றுத் தந்துள்ளார் தோனி. இதுதவிர 2010 மற்றும் 2014 ஆகிய ஆண்டுகளில் சாம்பியன்ஸ் லீக் கோப்பையும் ஜெயித்துக் கொடுத்துள்ளார் தோனி.

நடப்பு ஐபிஎல் சீசனில் தோனி பேட்டிங் சராசரி 35 உடன் 140 ரன்கள் எடுத்துள்ளார். இதுவரை மொத்தம் 229 ஐபிஎல் ஆட்டங்களில் விளையாடியுள்ள அவர், பேட்டிங் சராசரி 39.40 உடன் 4,886 ரன்கள் குவித்துள்ளார்.