தில்லி கேப்பிடல்ஸ் அணிக்காக இளம் வீரர் ஜேக் ஃபிரேசர் மெக்கர்க் அறிமுகப் போட்டியிலேயே அரைசதம் அடித்து அசத்தியுள்ளார்.

ஐபிஎல் தொடரின் நேற்றையப் போட்டியில் லக்னௌ சூப்பர் ஜெயண்ட்ஸ் மற்றும் தில்லி கேப்பிடல்ஸ் அணிகள் விளையாடின. இந்தப் போட்டியில் தில்லி கேப்பிடல்ஸ் 6 விக்கெட்டுகள் வித்தியாசத்தில் லக்னௌவை வீழ்த்தியது. இந்தப் போட்டியில் அறிமுக வீரராக களமிறங்கிய தில்லி அணியின் ஜேக் ஃபிரேசர் மெக்கர்க் அதிரடியாக அரைசதம் எடுத்து அணியின் வெற்றிக்கு உதவினார். அவர் அதிரடியாக 35 பந்துகளில் 55 ரன்கள் எடுத்தார்.

தில்லி கேப்பிடல்ஸ் அணிக்காக அறிமுகப் போட்டியில் அதிக ரன்கள் எடுத்த வீரர்கள்

கௌதம் கம்பீர் - 58* ரன்கள் - ராஜஸ்தான் ராயல்ஸுக்கு எதிராக, 2008

ஜேக் ஃபிரேசர் மெக்கர்க் - 55 ரன்கள் - லக்னௌவுக்கு எதிராக, 2024

சாம் பில்லிங்ஸ் - 54 ரன்கள் - கொல்கத்தாவுக்கு எதிராக, 2016

பால் காலிங்வுட் - 53 ரன்கள் - கொல்கத்தாவுக்கு எதிராக, 2010

ஷிகர் தவான் - 52* ரன்கள் - ராஜஸ்தானுக்கு எதிராக, 2008