அமெரிக்க ஓபன் டென்னிஸில் மகளிர் இரட்டையர் பிரிவில் இந்தியாவின் சானியா மிர்சா - பார்போரா ஸ்டைரிகோவா (செக் குடியரசு) ஜோடி காலிறுதிக்கு முன்னேறியது.
சானியா மிர்சா - பார்போரா ஸ்டைரிகோவா ஜோடி, தங்களது 3-வது சுற்றில், தரவரிசையில் இடம்பெறாத அமெரிக்காவின் நிக்கோல் கிப்ஸ் - நா ஹிபினோ (ஜப்பான்) ஜோடியை 6-4 7-5 என்ற நேர் செட்களில் தோற்கடித்து காலிறுதிக்கு முன்னேறியது.
கலப்பு இரட்டையர் பிரிவில் ரோகன் போபண்ணா - கேப்ரிலா டாப்ரோஸ்கி ஜோடி, தங்களது காலிறுதி சுற்றில் ராபர்ட் ஃபாரா (கொலம்பியா) - அன்னா லீனா (ஜெர்மனி) ஜோடியை எதிர்கொண்டது. 6-1 2-6 8-10 என்ற செட் கணக்கில் போபண்ணா - கேப்ரிலா ஜோடி தோல்வியடைந்தது.