பாட்மிண்டன் தரவரிசை: சமீர் 11 இடங்கள் முன்னேற்றம்

சர்வதேச பாட்மிண்டன் தரவரிசையில் இந்திய வீரர் சமீர் வர்மா 11 இடங்கள் முன்னேறி 23-ஆவது இடத்தைப் பிடித்துள்ளார்.
கடந்த மாதம் நடைபெற்ற சையது மோடி கிராண்ட்ப்ரீ கோல்டு பாட்மிண்டன் போட்டியில் சாம்பியன் பட்டம் வென்ற சமீர் வர்மா, இப்போது தரவரிசையிலும் அதிரடியாக முன்னேற்றம் கண்டுள்ளார்.
ஆடவர் ஒற்றையர் தரவரிசையைப் பொறுத்தவரையில் இந்திய வீரர்களில் அஜய் ஜெயராம் அதிகபட்சமாக 19-ஆவது இடத்தில் உள்ளார். அவருக்கு அடுத்தபடியாக எச்.எஸ்.பிரணாய்
21-ஆவது இடத்தில் இருக்கிறார்.
மகளிர் ஒற்றையர் தரவரிசையில் இந்தியாவின் சாய்னா நெவால் ஓர் இடத்தை இழந்து 10-ஆவது இடத்தில் உள்ளார். பி.வி.சிந்து தொடர்ந்து 5-ஆவது இடத்தில் இருக்கிறார்.
கலப்பு இரட்டையர் தரவரிசையில் இந்தியாவின் பிரணவ் சோப்ரா-சிக்கி ரெட்டி ஜோடி 13-ஆவது இடத்திலும், ஆடவர் இரட்டையர் தரவரிசையில்
இந்தியாவின் மானு அத்ரி-
சுமீத் ரெட்டி ஜோடி 23-ஆவது இடத்திலும் உள்ளன.