முன்னாள் ஆஸ்திரேலிய டென்னிஸ் வீரர் பீட்டர் டோஹன் (56) ஆஸ்திரேலியாவின் சிட்னி நகரில் சனிக்கிழமை மரணமடைந்தார்.

பீட்டர் டோஹன் "மோட்டார் நியூரான்' என்ற நோயால் (முதுகுத் தண்டு வடம் மற்றும் மூளையில் உள்ள நரம்புகள் செயலிழப்பது) பாதிக்கப்பட்டிருப்பது 9 வாரங்களுக்கு முன்பு கண்டுபிடிக்கப்பட்டது. இந்த நிலையில் அவர் சிகிச்சை பலனின்றி உயிரிழந்துள்ளார்.
பீட்டர் டோஹன், 1987}இல் நடைபெற்ற விம்பிள்டன் டென்னிஸ் போட்டியில் அப்போதைய நடப்பு சாம்பியனான போரீஸ் பெக்கரை வீழ்த்தியதன் மூலம் புகழ் பெற்றார். சர்வதேச தரவரிசையில் அதிகபட்சமாக 43}ஆவது இடத்துக்கு முன்னேறியவரான பீட்டர், 5 ஏடிபி பட்டங்களை வென்றுள்ளார்.
ஆஸ்திரேலியாவுக்காக டேவிஸ் கோப்பை உள்ளிட்ட முக்கியப் போட்டிகளில் விளையாடி பெருமை சேர்த்த பீட்டரின் மறைவுக்கு ஆஸ்திரேலிய டென்னிஸ் சங்கம் இரங்கல் தெரிவித்துள்ளது.