உலன்பாதர் கோப்பைக்கான சர்வதேச குத்துச்சண்டை போட்டியில் இந்தியாவின் தேவேந்திரோ சிங், அங்குஷ் தாஹியா ஆகியோர் இறுதிச் சுற்றுக்கு முன்னேறியுள்ளனர்.

மங்கோலிய தலைநகர் உலன்பாதரில் நடைபெற்று வரும் இந்தப் போட்டியில் ஆடவர் 52 கிலோ எடைப் பிரிவு அரையிறுதியில் தேவேந்திரோ சிங், மங்கோலியாவின் கன்டுலம் முங்கான் எர்டீனைத் தோற்கடித்தார். இறுதிச் சுற்றில் இந்தோனேசியாவின் அல்டாம்ஸ் சுகுரோவை சந்திக்கிறார் தேவேந்திரோ சிங்.
ஆடவர் 60 கிலோ எடைப் பிரிவு அரையிறுதியில் இந்தியாவின் அங்குஷ் தாஹியா, ரஷியாவின் ரத்னா சிபிகோவைத் தோற்கடித்தார். அங்குஷ் தனது இறுதிச் சுற்றில் தென் கொரியாவின் மான் சோ சோலை எதிர்கொள்கிறார்.
அதேநேரத்தில் இந்தியாவின் ஷியாம் குமார் (49 கிலோ), முகமது ஹுஸாமுதீன் (56 கிலோ), பிரியங்கா செüத்ரி (60 கிலோ) ஆகியோர் தங்களின் அரையிறுதியில் தோற்று வெண்கலப் பதக்கத்தோடு வெளியேறினர்.