2018 கால்பந்து உலகக் கோப்பை போட்டியில் 32 அணிகள் பங்கேற்கின்றன. இந்தப் போட்டிக்கான பரிசுத்தொகை ரூ. 2602 கோடி. அதாவது 400 மில்லியன் டாலர். இது கடந்த உலகக் கோப்பைப் போட்டியின் பரிசுத்தொகையை விடவும் 12 சதவிகிதம் அதிகம்.

கடந்தமுறை பிரேஸிலில் உலகக் கோப்பைப் போட்டி நடைபெற்றபோது ரூ. 2330 கோடி பரிசுத்தொகை (358 மில்லியன் டாலர்) வழங்கப்பட்டது. இதில் கோப்பையை வென்ற ஜெர்மனி அணி, ரூ. 228 கோடி (35 மில்லியன் டாலர்) பரிசுத்தொகையைப் பெற்றது. இரண்டாம் இடம் பிடித்த அர்ஜெண்டினாவுக்கு ரூ. 162 கோடி (25 மில்லியன் டாலர்) கிடைத்தது. நாக் அவுட் போட்டிகளுக்குத் தகுதி பெறாத அணிகளுக்கு ரூ. 52 கோடி (8 மில்லியன் டாலர்) கிடைத்தது. 

2018 கால்பந்து உலகக் கோப்பைப் போட்டி ரஷ்யாவில் ஜுன் 14 முதல் ஜுலை 15 வரை நடைபெறவுள்ளது.