ஐபிஎல்-லில் மீண்டும் இடம்பெற்றுள்ள சென்னை சூப்பர் கிங்ஸ் அணி விசில் போடு பாடலின் புதிய விடியோ குறித்த தகவல் ஒன்றை வெளியிட்டுள்ளது.

சென்னை சூப்பர் கிங்ஸ் ஐபிஎல் அணியின் புகழ்பெற்ற விசில் போடு பாடலுக்குப் புதிய விடியோ அமைக்க முடிவெடுக்கப்பட்டுள்ளது. இதில் ரசிகர்களையும் ஈடுபடுத்தவுள்ளதால் அதுகுறித்த அறிவிப்பு ஒன்று வெளியாகியுள்ளது.

விசில் போடு பாடலில் புதிய விடியோவில் ரசிகர்களும் இடம்பெற வேண்டுமென்றால் அவர்கள் விசில் அடிப்பது, நடனம் ஆடுவது போன்ற தங்களுடைய விடியோக்களை சென்னை சூப்பர் கிங்ஸ் அணிக்கு மின்னஞ்சல் மூலமாக அனுப்பவேண்டும். இதில் அமர்க்களமான, ரசனையான விடியோக்கள் சென்னை சூப்பர் கிங்ஸ் அணியின் புதிய விடியோவில் இடம்பெறும். விசில் அடிக்கத் தெரியாவிடால் உங்கள் நடனத்தின் விடியோவையாவது அனுப்புங்கள் என்று செய்திக்குறிப்பில் வெளியிடப்பட்டுள்ளது.

விடியோவை  whistlepodu@gmail.com என்கிற மின்னஞ்சலுக்கு அனுப்பவேண்டும். மேலும் தகவல்களுக்கு இந்தக் காணொளியைக் காணவும்.