தில்லியில் நடைபெற்று வரும் பள்ளிகளுக்கு இடையேயான "விளையாடு இந்தியா' போட்டியில், சிறுவர்களுக்கான ஹாக்கியில் ஒடிஸா முதலிடம் பிடித்தது.
இறுதி ஆட்டத்தில் அந்த அணி 2-1 என்ற கணக்கில் பஞ்சாபை வீழ்த்தியது. 3-ஆவது இடத்துக்கான போட்டியில் சண்டீகர் 5-1 என்ற கணக்கில் உத்தரப் பிரதேசத்தை வீழ்த்தியது.
இதேபோல், சிறுமிகளுக்கான ஹாக்கி போட்டியில் ஹரியாணா இறுதி ஆட்டத்தில் 2-1 என்ற கணக்கில் ஜார்க்கண்டை வீழ்த்தி சாம்பியன் ஆனது. வெண்கலப் பதக்கத்துக்கான போட்டியில் பஞ்சாப் 5-4 என்ற கோல் கணக்கில் சண்டீகரை "த்ரில்' வெற்றி கண்டது. கூடைப்பந்துப் போட்டியில் சிறுவர் பிரிவில் பஞ்சாப் 78-76 என தில்லியை வீழ்த்தியும், சிறுமியர் பிரிவில் கேரளம் 90-47 என ஹரியாணாவையும் வீழ்த்தி சாம்பியன் ஆகின.