மீடூ பாலியல் புகார் எதிரொலியாக ஐசிசி குழுக் கூட்டத்தில் கலந்து கொள்ள பிசிசிஐ சிஇஓ ராகுல் ஜோரிக்கு கட்டுப்பாடு விதிக்கப்பட்டுள்ளது. புகாருக்கு உடனே விளக்கம் தர கிரிக்கெட் நிர்வாகக் குழு வலியுறுத்தியுள்ளது.
 தனியார் தொலைக்காட்சியில் உயரதிகாரியாக இருந்த போது ராகுல் ஜோரி தன்னிடம் பாலியல் அத்துமீறலில் ஈடுபட்டார் என பெண் பத்திரிகையாளர் மீடூவில் புகார் செய்திருந்தார்.
 இது ஜோரிக்கு சிக்கலை ஏற்பட்டது. கடந்த 2016 முதல் பிசிசிஐ சிஇஓவாக உள்ளார் அவர். இந்நிலையில் இதுதொடர்பாக விளக்கம் தர கிரிக்கெட் நிர்வாகக் குழு உத்தரவிட்டது.
 மேலும் வரும் 16 முதல் 19 வரை சிங்கப்பூரில் நடைபெறவுள்ள ஐசிசி குழுக் கூட்டத்தில் ஜோரி பங்கேற்கத் தேவையில்லை. அவருக்கு பதிலாக தற்காலிக செயலர் அமிதாப் செளத்ரி கலந்து கொள்ளலாம். பாலியல் புகார் தொடர்பாக உடனே பதில் தர வேண்டும் என அறிவிக்கப்பட்டுள்ளது.