வேகப்பந்து வீச்சாளர் சர்துல் தாக்கூர் காயமடைந்ததைத் தொடர்ந்து மீண்டும் இந்திய ஒரு நாள் அணியில் இடம் பெற்றார் உமேஷ் யாதவ்.
மேற்கிந்திய தீவுகளுக்கு எதிரான முதல் இரண்டு ஒரு நாள் ஆட்டங்களுக்கான இந்திய அணி அறிவிக்கப்பட்டுள்ளது. இதில் இடம் பெற்ற சர்துல் தாக்கூர், ஹைதராபாத் டெஸ்ட் ஆட்டத்தில் தசைநாரில் காயமடைந்தார். இதனால் அவர் தொடர்ந்து ஒரு நாள் ஆட்டங்களிலும் பங்கேற்க முடியாது என அறிவிக்கப்பட்டது. அதே வேளையில் டெஸ்டில் உமேஷ் யாதவ் அபாரமாக பந்துவீசி 10 விக்கெட்டை சாய்த்தார். இந்நிலையில் ஒரு நாள் அணியில் உமேஷ் யாதவை சேர்க்கலாம் என தேர்வாளர்கள் குழு முடிவு செய்துள்ளது. 
இறுதியாக கடந்த ஜூலை லார்ட்ஸ் மைதானத்தில் இங்கிலாந்துடன் நடைபெற்ற ஒரு நாள் ஆட்டத்தில் உமேஷ் பங்கேற்றிருந்தார்.
73 ஒரு நாள் ஆட்டங்களில் உமேஷ் 105 விக்கெட்டை வீழ்த்தியுள்ளார்.
அணி விவரம்: விராட் கோலி (கேப்டன்), ரோஹித் சர்மா (துணை கேப்டன்), ஷிகர்தவன், கேஎல்.ராகுல், அம்பதி ராயுடு, மணிஷ் பாண்டே, தோனி, ரிஷப் பந்த், ரவீந்திர ஜடேஜா, சஹால், குல்தீப்யாதவ், முகமதுசமி, கலில் அஹமது, உமேஷ் யாதவ்.