தியோதர் கோப்பை போட்டி இன்று முதல் நடைபெறுகிறது. தில்லியில் நடைபெறும் இந்தப் போட்டி அக்டோபர் 27 அன்று முடிவடையவுள்ளது. 

இந்தியா ஏ மற்றும் இந்தியா பி அணிகளுக்கு இடையிலான ஆட்டம் இன்று நடைபெறுகிறது. டாஸ் வென்ற இந்தியா பி அணி, பேட்டிங்கைத் தேர்வு செய்தது. அந்த அணியின் நடுவரிசை வீரர்கள் நன்கு விளையாடியதால் 50 ஓவர்களில் 8 விக்கெட் இழப்புக்கு 261 ரன்கள் எடுத்துள்ளது. மயங்க் அகர்வால் 46, ஸ்ரேயஸ் ஐயர் 41, மனோஜ் திவாரி 52 ரன்கள் எடுத்தார்கள். இந்திய டெஸ்ட் அணியில் இடம்பிடித்துள்ள விஹாரி 87 ரன்கள் எடுத்து ஆட்டமிழக்காமல் இருந்துள்ளார். இந்தியா ஏ தரப்பில் அஸ்வின் 2 விக்கெட்டுகள் எடுத்துள்ளார்.