ஆசிய பாட்மிண்டன் சாம்பியன் போட்டியில் இந்தியாவின் பி.வி.சிந்து, சமீர் வர்மா ஆகியோர் காலிறுதிக்கு முன்னேறியுள்ளனர்.
சீனாவின் உஹான் நகரில் நடைபெற்று வரும் இப்போட்டியின் இரண்டாம் சுற்று ஆட்டங்கள் வியாழக்கிழமை நடைபெற்றன. மகளிர் பிரிவில் பி.வி.சிந்து 21-15, 21-19 என்ற கேம் கணக்கில் இந்தோனேஷியாவின் சாய்ரின்னிஸாவை வென்று காலிறுதிக்கு முன்னேறினார்.
காலிறுதியில் அவர் சீனாவின் கை யன்யனை எதிர்கொள்கிறார்.
சாய்னா நெவால்: மற்றொரு ஒற்றையர் பிரிவு ஆட்டத்தில் இந்திய நட்சத்திரம் சாய்னா நெவால் 21-13, 21-13 என்ற கேம் கணக்கில் கிம் ஜா இன்னை வீழ்த்தினார்.
காலிறுதியில் அவர் உலகின் 4-ஆம் நிலை வீராங்கனை அகேன் யமகுச்சியை எதிர்கொள்கிறார். ஆடவர் பிரிவில் இந்தியாவின் சமீர் வர்மா 21-12, 21-19 என்ற கேம் கணக்கில் ஹாங்காங்கின் கா லோங் ஆக்னைûஸ வீழ்த்தி காலிறுதிக்கு முன்னேறினார். 
கலப்பு இரட்டையர் பிரிவில் உத்கர்ஷ் அரோரா-கரிஷ்மா 10-21, 15-21 என்ற கேம் கணக்கில் இந்தோனேஷிய இணையிடம் தோல்வியுற்றனர்.