ஒருநாள் உலகக் கோப்பை தாக்கம் உங்களிடமிருந்து மறைந்துவிட்டது அல்லவா! அடுத்ததாக டெஸ்ட் ஆட்டங்களுக்கு உங்களைத் தயார்படுத்திக்கொள்ளுங்கள்.

உலக டெஸ்ட் சாம்பியன்ஷிப் போட்டி ஆகஸ்ட் 1 முதல் தொடங்கி பரபரப்பாக நடைபெற்றுக்கொண்டிருக்கிறது. இந்நிலையில் இன்று ஒரே நாளில் மூன்று டெஸ்ட் ஆட்டங்கள் தொடங்குகின்றன.

கொழும்பில் இலங்கை - நியூஸிலாந்து அணிகளுக்கு இடையிலான 2-வது டெஸ்ட் ஆட்டம் காலை 10 மணிக்குத் (இந்திய நேரம்) தொடங்கியுள்ளது. இலங்கை அணி முதலில் பேட்டிங் செய்துவருகிறது. 2 ஆட்டங்கள் கொண்ட டெஸ்ட் தொடரில் 1-0 என இலங்கை முன்னணியில் உள்ளது. 

அடுத்ததாக, இந்திய நேரம் மாலை 3.30 மணிக்கு ஆஷஸ் டெஸ்ட் தொடரின் மூன்றாவது டெஸ்ட் ஆட்டம் தொடங்கியுள்ளது. ஆஸ்திரேலிய அணி 1-0 என முன்னணியில் உள்ளது.

இந்திய நேரம் இரவு 7 மணிக்கு இந்தியா- மேற்கிந்தியத் தீவுகள் அணிகளுக்கு இடையிலான இரு ஆட்டங்கள் கொண்ட டெஸ்ட் தொடர் தொடங்குகிறது. இந்த டெஸ்ட் தொடரை இந்திய அணி வெல்லும் என்கிற எதிர்பார்ப்பு நிலவுகிறது. 

இன்று தொடங்கும் டெஸ்ட் ஆட்டங்கள் (இந்திய நேரம்)

#SLvNZ காலை 10 மணி
#Ashes மாலை 3.30
#WIvInd இரவு 7 மணி